ഐപിഎല്ലില് ബൗളര്മാരെ പഞ്ഞിക്കിട്ട പോരാട്ടത്തില് റെക്കോര്ഡോടെ പഞ്ചാബിന് ത്രസിപ്പിക്കുന്ന ജയം. ഡല്ഹി ഉയര്ത്തിയ 265 റണ്സ് വിജയലക്ഷ്യം പഞ്ചാബ് 18.5 ഓവറില് നാലുവിക്കറ്റ് നഷ്ടത്തില് മറികടന്നു. ഐപിഎല്ലിലെ ഏറ്റവും വലിയ റണ്ചേസെന്ന നേട്ടത്തോടെയാണ് പഞ്ചാബിന്റെ അപരാജിത കുതിപ്പ്..താന് പൊട്ടിമുളച്ചുവന്ന നേതാവല്ലെന്ന് മുതിര്ന്ന കോണ്ഗ്രസ് നേതാവ് രമേശ് ചെന്നിത്തല. സ്ഥാനമല്ല, പാര്ട്ടിയാണ് വലുത്. കെപിസിസി അധ്യക്ഷന്റെ വിലക്കുള്ളതിനാല് മുഖ്യമന്ത്രി ചര്ച്ചകളെപ്പറ്റി കൂടുതല് പ്രതികരണത്തിനില്ലെന്നും ചെന്നിത്തല പറഞ്ഞു. സൈക്കിളില് പോയി പാര്ട്ടി പ്രവര്ത്തനം നടത്തിയിട്ടുണ്ട്. ഇന്ന് സോഷ്യല് മീഡിയയില് എഴുതിയാല് നേതാവാകുമെന്നും കൊച്ചിയിലെ പികെ ഡീവര് അനുസ്മരണ പരിപാടിയില് ചെന്നിത്തല കൂട്ടിച്ചേര്ത്തു..അഞ്ചരക്കണ്ടിയിലെ കണ്ണൂര് ഡെന്റല് കോളജ് മൂന്നാം വര്ഷ ബിഡിഎസ് വിദ്യാര്ത്ഥി നിതിന് രാജ് ആത്മഹത്യ ചെയ്ത സംഭവത്തില് ഒന്നാം പ്രതിയായ അധ്യാപകന് ഡോ. എം കെ റാമിന് മുന്കൂര് ജാമ്യം നിഷേധിച്ച് തലശേരി സെഷന്സ് കോടതി. എന്നാല് കേസിലെ രണ്ടാം പ്രതിയും അധ്യാപികയുമായ കെ ടി സംഗീത നമ്പ്യാര്ക്ക് കോടതി മുന്കൂര് ജാമ്യം അനുവദിച്ചു. തലശ്ശേരി അഡീഷണല് സെഷന്സ് കോടതി നാലിന്റെതാണ് വിധി. നിതിന് രാജിന്റെ മരണത്തിന്റെ പതിനാറാമത്തെ ദിനമാണ് വിധി വന്നിരിക്കുന്നത്.. സംസ്ഥാനത്ത് കടുത്ത ചൂട് അനുഭവപ്പെടുന്ന സാഹചര്യത്തില് അതീവ ജാ ഗ്രത വേണമെന്ന് മുഖ്യമന്ത്രി പിണറായി വിജയന്. പൊതുവിടങ്ങളില് തണ്ണീര്പ്പന്തല് ഉറപ്പാക്കണമെന്നും അങ്കണവാടികളിലും സ്കൂളുകളിലും കൂള് റൂഫ് ഒരുക്കണമെന്നും മുഖ്യമന്ത്രി നിര്ദേശിച്ചു. ഉഷ്ണതരംഗ സാഹചര്യം വിലയിരുത്തുന്നതിനായി വിളിച്ച ഉന്നതതല യോഗത്തിലാണ് മുഖ്യമന്ത്രിയുടെ നിര്ദേശം..സംസ്ഥാനം കടുത്ത ചൂടില് വെന്തുരുകുമ്പോള് ആശ്വാസമായി മഴ എത്തുന്നു. ബുധനാഴ്ച നാലു ജില്ലകളില് ഒറ്റപ്പെട്ടയിടങ്ങളില് ശക്തമായ മഴ കേന്ദ്ര കാലാവസ്ഥ വകുപ്പ് പ്രവചിക്കുന്നു. ജാഗ്രതയുടെ ഭാഗമായി പത്തനംതിട്ട, ഇടുക്കി, കണ്ണൂര്, കാസര്കോട് ജില്ലകളില് കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates