സിഎംആര്‍എല്‍- എക്‌സാലോജിക് സാമ്പത്തിക ഇടപാടു കേസില്‍ ടി വീണയ്‌ക്കെതിരെ അന്വേഷണം കടുപ്പിച്ച് ഇഡി. എൻസിഇആർടി പാഠപുസ്തകസമിതി പുനഃസംഘടിപ്പിച്ചു. അതിൽ നാലുപേർ ആർഎസ്എസ് ബന്ധമുള്ളവരാണ്. ലോകകപ്പ് ഹോക്കിയിൽ പാകിസ്ഥാനെതിരെ ഇന്ത്യയ്ക്ക് തകർപ്പൻ ജയം. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം.

സിഎംആര്‍എല്‍- എക്‌സാലോജിക് സാമ്പത്തിക ഇടപാടു കേസില്‍ മുന്‍മുഖ്യമന്ത്രി പിണറായി വിജയന്റെ മകള്‍ ടി വീണയ്‌ക്കെതിരെ അന്വേഷണം കടുപ്പിച്ച് എന്‍ഫോഴ്‌സ്‌മെന്റ് ഡയറക്ടറേറ്റ്. വിദേശത്ത് പണം അയച്ചതില്‍ ഫെമ ചട്ടലംഘനം ഉണ്ടായിട്ടുണ്ടോയെന്നാണ് അന്വേഷിക്കുന്നത്. വീണ ഉപയോഗിച്ച വ്യാജ സിം കാര്‍ഡിന്റെ ഉടമയെ ഇഡി കണ്ടെത്തിയിട്ടുണ്ട്. കോഴിക്കോട്ടെ ഡിവൈഎഫ്‌ഐ നേതാവ് നന്ദുലാലിന്റെ പേരിലാണ് വ്യാജ സിം എടുത്തത്. 

എന്‍സിഇആര്‍ടി പാഠപുസ്തക സമിതി പുനഃസംഘടിപ്പിച്ചു. 20 അംഗ സമിതിയില്‍ നാലു പേര്‍ ആര്‍എസ്എസ് ബന്ധമുള്ളവരാണ്. 11, 12 ക്ലാസുകളിലെ പൊളിറ്റിക്കല്‍ സയന്‍സ് പാഠപുസ്തകങ്ങള്‍ തയ്യാറാക്കുന്ന സമിതിയിലാണ് ആര്‍എസ്എസ് ബന്ധമുള്ളവര്‍ അംഗങ്ങളായിട്ടുള്ളത്. പാഠപുസ്തകങ്ങള്‍ കാവിവല്‍ക്കരിക്കുന്നു എന്ന ആക്ഷേപം നിലനില്‍ക്കുന്നതിനിടെയാണ് ഈ നടപടി.

കോണ്‍ഗ്രസ് പ്രവര്‍ത്തകസമിതി യോഗത്തില്‍ വികാരാധീനനായി പാര്‍ട്ടി ദേശീയ അധ്യക്ഷന്‍ മല്ലികാര്‍ജുന്‍ ഖാര്‍ഗെ. ഉത്തരാഖണ്ഡിലെ ഹല്‍ദ്വാനിയില്‍ തന്റെ പ്രസംഗത്തിന് പിന്നാലെ ഹിന്ദുത്വ സംഘടനകള്‍ ശുദ്ധീകരണം നടത്തിയ സംഭവത്തില്‍ പാര്‍ട്ടിയില്‍ നിന്നും പൂർണ്ണ പിന്തുണ കിട്ടിയില്ലെന്ന് ഖാര്‍ഗെ പറഞ്ഞു. സംഭവത്തെ തള്ളിപ്പറയാന്‍ പ്രവര്‍ത്തകസമിതിയിലെ ചിലര്‍ തയ്യാറായില്ല. ഇതു തന്നെ വേദനിപ്പിച്ചെന്നും ഖാര്‍ഗെ പറഞ്ഞു.

ഹോക്കി ലോകകപ്പില്‍ ചിരവൈരികളായ പാകിസ്ഥാനെ തകര്‍ത്ത് ഇന്ത്യ രണ്ടാം റൗണ്ടിലേക്ക്. നെതര്‍ലന്‍ഡ്‌സിലെ ആംസ്റ്റല്‍വീനിലെ വാഗനര്‍ സ്റ്റേഡിയത്തില്‍ നടന്ന മത്സരത്തില്‍ മൂന്നിനെതിരെ അഞ്ചു ഗോളുകള്‍ക്കാണ് (5-3) ഇന്ത്യ വിജയിച്ചത്. ഈ വിജയത്തോടെ പൂള്‍ ഡി-യില്‍ നിന്ന് രണ്ടാം സ്ഥാനക്കാരായി ഇന്ത്യ നോക്കൗട്ട് റൗണ്ടില്‍ ഇടംപിടിച്ചു.

ഏൽപ്പിച്ച ജോലികൾ സമയബന്ധിതമായി പൂർത്തിയാക്കും. പുതിയൊരു ഉത്തരവാദിത്തം ഏറ്റെടുക്കേണ്ടി വരും. പണം സംബന്ധിച്ച ഇടപാടു കളിൽ നേട്ടം ലഭിക്കും. ആരോഗ്യം മെച്ചപ്പെടും. തൊഴിൽ രംഗത്ത് മാറ്റങ്ങൾ വരുത്താനുള്ള അവസരം ലഭിക്കും. മുടങ്ങിക്കിടന്ന ഒരു പദ്ധതി വീ ണ്ടും സജീവമാകും. വ്യാപാരത്തിൽ പുതിയ ഇട പാടുകൾക്ക് തുടക്കമിടും. ഉല്ലാസയാത്ര നടത്തും.