Photographer candidate in Idukki 
Kerala

ഗ്രീഷ്മ ബിജെപി സ്ഥാനാര്‍ഥി, പക്ഷേ ആര്‍ക്കു വേണ്ടിയും പ്രചാരണത്തിന് എത്തും!

ഹൈറേഞ്ചിലെ ഫോട്ടോഗ്രഫി രംഗത്തെ വനിതാ മുഖമായ ഗ്രീഷ്മ തെരഞ്ഞെടുപ്പ് ഗോദയിലെ തന്റെ കന്നിപ്പോരാട്ടത്തിന് കൂടിയാണ് ഇറങ്ങിയിരിക്കുന്നത്

സമകാലിക മലയാളം ഡെസ്ക്

തൊടുപുഴ: തദ്ദേശ തെരഞ്ഞെടുപ്പ് പ്രചാരണം ചൂടുപിടിക്കുമ്പോള്‍ വോട്ടുറപ്പിക്കാനുള്ള ഓട്ടത്തിലാണ് സ്ഥാനാര്‍ത്ഥികള്‍. എന്നാല്‍, സ്വന്തം പ്രചാരണത്തില്‍ മാത്രമല്ല മറ്റ് മുന്നണി സ്ഥാനാര്‍ഥികളുടെ പ്രചാരണത്തിലും പങ്കാളിയാകുന്ന ഒരു സ്ഥാനാര്‍ഥിയുണ്ട് ഇടുക്കിയില്‍, നെടുംകണ്ടം പഞ്ചായത്തിലെ നാലാം വാര്‍ഡില്‍ ജനവിധി തേടുന്ന ബിജെപി സ്ഥാനാര്‍ഥിയായ ഗ്രീഷ്മ രാജേഷ്.

ഫോട്ടോഗ്രാഫര്‍ ആയ ഗ്രീഷ്മ തെരഞ്ഞെടുപ്പ് പ്രചാരണ തിരക്കിന് ഇടയിലും വിവിധ സ്ഥാനാര്‍ഥികള്‍ക്കായുള്ള പോസ്റ്ററുകള്‍ ഒരുക്കുന്നതിലും സജീവമാണ്. ഹൈറേഞ്ചിലെ ഫോട്ടോഗ്രഫി രംഗത്തെ വനിതാ മുഖമായ ഗ്രീഷ്മ തെരഞ്ഞെടുപ്പ് ഗോദയിലെ തന്റെ കന്നിപ്പോരാട്ടത്തിന് കൂടിയാണ് ഇറങ്ങിയിരിക്കുന്നത്. എകെപിഎ ഇടുക്കി ജില്ലാ വൈസ് പ്രസിഡന്റ് കൂടിയാണ് ഗ്രീഷ്മ.

ഫോട്ടോഗ്രഫി, ഡിസൈനിങ് മേഖലയില്‍ ജോലി ചെയ്യുന്നവര്‍ക്ക് തിരക്കേറിയ സമയമാണ് തദ്ദേശ തെരഞ്ഞെടുപ്പ് കാലം. എന്നാല്‍, സ്ഥാനാര്‍ഥിയാകാന്‍ ബി ജെ പി നിര്‍ദേശിച്ചപ്പോള്‍ തയ്യാറാവുകയ്യായിരുന്നു. എന്നാല്‍ ജോലി പൂര്‍ണ്ണമായും ഒഴിവാക്കിയല്ല പ്രചാരണം. ഇതിനിടയില്‍ തന്റെ ജോലിക്ക് കൂടി ഗ്രീഷ്മ സമയം കണ്ടെത്തുന്നു. എല്‍ഡിഎഫ്, യു ഡി എഫ്, എന്‍ഡിഎ എല്ലാ മുന്നണി സ്ഥാനാര്‍ഥികള്‍ക്കും ഗ്രീഷ്മ പോസ്റ്ററുകളും നോട്ടീസും ഫ്‌ളക്സും തയ്യാറാക്കി നല്‍കുന്നുണ്ട്. തൊഴില്‍ രാഷ്ട്രീയം ഇടകലര്‍ത്താനില്ലെന്നാണ് ഗ്രീഷ്മയുടെ നിലപാട്.

സ്റ്റുഡിയോയില്‍ എത്തുന്ന വിവിധ സ്ഥാനാര്‍ഥികള്‍ നിര്‍ദേശിക്കുന്ന ഡിസൈനിങ് ജോലികള്‍ പൂര്‍ത്തീകരിച്ച് ശേഷമാണ് ഗ്രീഷ്മ പ്രചാരണത്തിന് ഇറങ്ങുന്നത്. വര്‍ഷങ്ങളായി ഫോട്ടോ ഗ്രഫി രംഗത്ത് ഉള്ളതിനാല്‍ വാര്‍ഡിലെ ജനങ്ങളെ നന്നായി അറിയാം. അതിനാല്‍ പ്രചാരണം എളുപ്പമാണെന്നും ഗ്രീഷ്മ പറയുന്നു. പലപ്പോഴും രാവിലെയും വൈകിട്ടുമായാണ് വോട്ടര്‍മാരെ വീടുകളില്‍ എത്തി നേരിട്ട് കാണുന്നത്. പകല്‍ സമയം കൂടുതലായും ജോലിയുടെ തിരക്കില്‍. സ്വന്തം പ്രചാരണം മുന്നിലുണ്ടെങ്കിലും മറ്റ് മുന്നണി സ്ഥാനാര്‍ഥികളുടെ അടക്കമുള്ളവരുടെ ജോലികള്‍ കൃത്യസമയത്ത് പൂര്‍ത്തീകരിച്ചു നല്‍കാനും ഗ്രീഷ്മ ശ്രദ്ധിക്കുന്നുണ്ട്.

Greeshma Rajesh, the BJP candidate of Idukki Nedumkandam panchayat. who is not only participating in his own campaign but also in the campaigns of other front candidates as a photographer.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

രാഹുല്‍ തിരുവനന്തപുരത്ത്?; വഞ്ചിയൂരില്‍ നേരിട്ടെത്തി വക്കാലത്ത് ഒപ്പിട്ടുവെന്ന് അഭിഭാഷകന്‍; ഒളിയിടം തിരഞ്ഞ് പൊലീസ്

'രോ- കോ' സഖ്യം ലോകകപ്പ് കളിക്കുമോ? ബിസിസിഐ നിര്‍ണായക യോഗം

'അച്ഛന്റെ യൂണിഫോം കെട്ടിപ്പിടിച്ചിരുന്ന് കരഞ്ഞിട്ടുണ്ട്; ഞാനും അമ്മയും അച്ഛന്‍റെ വരവിനായി കാത്തിരുന്ന നാളുകള്‍'; രജിഷ വിജയന്‍

ഗര്‍ഭിണിയായ യുവതിയെ കൊന്ന് കായലില്‍ തള്ളി; രജനിക്കും വധശിക്ഷ

ആവി പിടിക്കുമ്പോൾ ഈ അബദ്ധങ്ങൾ ഒഴിവാക്കണേ...

SCROLL FOR NEXT