കണ്ണൂര്‍: ടിപി ചന്ദ്രശേഖരന്‍ വധക്കേസിലെ പ്രതികളുടെ തലശേരി കോടതി പരിസരത്തെ മദ്യപാനത്തില്‍ കര്‍ശന നിയമനടപടി സ്വീകരിക്കുമെന്ന് ഡിജിപി റവാഡ എ ചന്ദ്രശേഖര്‍. കണ്ണൂര്‍ പയ്യാമ്പലംഗസ്റ്റ് ഹൗസില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. കോടതിയില്‍ ഹാജരാക്കുന്നതിനിടെ കൊടി സുനിയും കൂട്ടരും മദ്യപിച്ചെന്ന റിപ്പോര്‍ട്ടുകള്‍ പുറത്തുവന്നതിനെ പിന്നാലെയാണ് ഡിജിപിയുടെ പ്രസ്താവന.

ജയില്‍ നിയമം ലംഘിച്ച കൊടി സുനിക്കെതിരെ നടപടിയെടുക്കുമെന്ന് ഡിജിപി പറഞ്ഞു. സംഭവത്തില്‍ പോലീസുകാരുടെ ഭാഗത്തുനിന്നും വീഴ്ചയുണ്ടായിട്ടുണ്ടോയെന്ന് അന്വേഷിക്കുമെന്നും ഡിജിപി വ്യക്തമാക്കി.

ചേര്‍ത്തല കൂട്ടക്കൊലപാതക സംഭവത്തില്‍ സമഗ്ര അന്വേഷണം നടത്തും. മറ്റ് ജില്ലകളിലെ തിരോധാന കേസുകളും അന്വേഷണ പരിധിയിലാണെന്നും ഡിജിപി അറിയിച്ചു.