അ​ടൂ​ർ: കോവിഡ് കാലത്തെ പ്രണയം പ്രായാതിർത്തികൾ ഭേദിച്ച്  ക​തി​ർ​മ​ണ്ഡപത്തിൽ എത്തി നിൽക്കുകയാണ്. ത​മി​ഴ്‌​നാ​ട് തി​രു​ച്ചി​റ​പ്പ​ള്ളി സ്വ​ദേ​ശി​യാ​യ രാ​ജ​നും (58) അ​ടൂ​ർ മ​ണ്ണ​ടി സ്വ​ദേ​ശി സ​ര​സ്വ​തി​യു​മാ​ണ് (65) വധൂവരന്മാർ. ശ​ര​ണാ​ല​യ​ത്തി​ലെ അ​ന്തേ​വാ​സി​ക​ളാ​യ ഇരുവരും പ്രണയദിനമായ നാളെ വിവാഹിതരാകും. 

ശ​ബ​രി​മ​ല സീ​സ​ണി​ൽ പമ്പയിലും പരിസരത്തുമുള്ള കടകളിൽ പാചകം ചെയ്തുവരികയായിരുന്നു രാജൻ. സ​ഹോ​ദ​രി​മാ​ർക്കു​വേ​ണ്ടി ജീ​വി​തം മാ​റ്റിച്ചതിനിടെ സ്വന്തം വിവാഹത്തെക്കിറിച്ച് രാജൻ ചിന്തിച്ചില്ല. ജോലി ചെയ്തു കിട്ടുന്ന പണം ബ​ന്ധു​ക്ക​ൾക്ക് അ​യച്ചുകൊടുക്കുകയാണ് പതിവ്. ലോ​ക്ക്ഡൗ​ണാ​യ​തോ​ടെ രാ​ജ​നുൾപ്പെടെ ആ​റു​പേ​രെ പ​മ്പ പൊ​ലീ​സ് താ​ൽക്കാ​ലി​ക സം​ര​ക്ഷ​ണ​ത്തി​നായി അ​ടൂ​ർ മ​ഹാ​ത്മ ജ​ന​സേ​വ​ന​കേ​ന്ദ്ര​ത്തിൽ എത്തിച്ചു. ഇവിടെ വ​യോ​ജ​ന സം​ര​ക്ഷ​ണ​വും പാ​ച​ക​വും രാ​ജ​ൻ സ്വ​യം ഏ​റ്റെ​ടു​ത്തു.

2018 ഫെ​ബ്രു​വ​രി മുതൽ മ​ഹാ​ത്മ​യി​ലെ അം​ഗമാണ് സ​ര​സ്വ​തി. സം​സാ​ര​വൈ​ക​ല്യ​മു​ള്ള അ​വി​വാ​ഹി​ത​യാ​യ സ​ര​സ്വ​തി മാ​താ​പി​താ​ക്ക​ൾ മ​ര​ണ​പ്പെ​ട്ട​തോ​ടെ​യാ​ണ്​ ത​നി​ച്ചാ​യ​ത്. ജീ​വി​ത​ത്തി​ൽ ഒ​റ്റ​പ്പെ​ട്ട​പ്പോ​ൾ പൊ​തു​പ്ര​വ​ർത്ത​ക​രും പൊ​ലീ​സും ചേ​ർന്നാ​ണ് ഇവരെ മ​ഹാ​ത്മ​യി​ലെത്തിച്ചത്. 

തുല്യ ദുഃഖിതരായ രാജനും സരസ്വതിയും പ്രണയത്തിലായത് ലോക്ക്ഡൗൺ കാലത്താണ്. പരസ്പരം ഇഷ്ടമാണെന്ന വിവരം ഇവർതന്നെ മ​ഹാ​ത്മ ജ​ന​സേ​വ​ന​കേ​ന്ദ്രം ചെ​യ​ർമാ​ൻ രാ​ജേ​ഷ് തി​രു​വ​ല്ല​യെ അറിയിച്ചു. അ​ങ്ങ​നെ​യാ​ണ് പ്ര​ണ​യ​ദി​ന​മാ​യ ഫെ​ബ്രു​വ​രി 14ന് ​രാ​വി​ലെ 11നും 11.30​നും ഇ​ട​യിലെ മു​ഹൂ​ർത്ത​ത്തി​ൽ വി​വാ​ഹം ന​ട​ത്താ​ൻ തീ​രു​മാ​നി​ച്ച​ത്.