തിരൂര്‍: ട്രിപ്പിള്‍ ലോക്ഡൗണിനിടെ കുതിരയുമായി സവാരിക്കിറങ്ങിയ യുവാവിനെ പൊലീസ് കയ്യോടെ പിടികൂടി. കഴിഞ്ഞ ദിവസം ഉച്ചക്ക് താനൂരിലാണ് സംഭവം. പൊലീസിന്റെ നേതൃത്വത്തില്‍ മൂച്ചിക്കലില്‍ നടത്തിയ വാഹന പരിശോധനക്കിടയിലാണ് യുവാവ് കുതിരയുമായി എത്തിയത്. 

കുതിരയുടെ  മാനസിക ഉല്ലാസത്തിനായി പുറത്തിറങ്ങിയതാണെന്നായിരുന്നു യുവാവിന്റെ വിശദീകരണം. കുതിര വീട്ടില്‍ ഇരിക്കാന്‍ സമ്മതിക്കുന്നില്ലെന്നും മാനസിക ഉല്ലാസത്തിന് വേണ്ടിയാണ് പുറത്തിറങ്ങിയതെന്നും യുവാവ് പറഞ്ഞെങ്കിലും പൊലീസ് വിട്ടില്ല. യുവാവിനെ  വീട്ടിലേക്ക് തിരിച്ചയച്ച പൊലീസ് വീടിന് സമീപത്തു മാത്രം ഉല്ലാസം മതിയെന്ന് ഉപദേശിക്കുകയും ചെയ്തു.