അനുവദനീയ അളവില്‍ക്കൂടുതല്‍ എഥനോള്‍ കലര്‍ത്തിയ പെട്രോള്‍ വില്‍ക്കുന്നുണ്ടോയെന്നതില്‍ കേരളത്തില്‍ ഇന്ന് പരിശോധന നടക്കും. കെപിസിസി പ്രസിഡന്റ് സ്ഥാനത്തേക്ക് കൊടിക്കുന്നിൽ സുരേഷിന് മുതിർന്ന കോൺ​ഗ്രസ് നേതാക്കളുടെ പിന്തുണ. ഇസ്രയേലിൽ പ്രതിപക്ഷ നേതാവായ ​ഗാഡി ഐസൻകോട്ടിന് സർക്കാരുണ്ടാക്കാൻ ക്ഷണം. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം

അനുവദനീയ അളവില്‍ക്കൂടുതല്‍ എഥനോള്‍ കലര്‍ത്തിയ പെട്രോള്‍ വില്‍ക്കുന്നുണ്ടോയെന്നതില്‍ കേരളത്തില്‍ ഇന്ന് പരിശോധന നടക്കും. ഉത്തരമലബാര്‍, മലബാര്‍, മധ്യകേരളം, തെക്കന്‍ കേരളം എന്നിങ്ങനെ തിരിച്ചാകും പരിശോധന. പൊതുവിതരണ ഉപഭോക്തൃകാര്യ കമ്മിഷനാണ് പരിശോധന നടത്തുക. ഒരു പമ്പില്‍നിന്ന് ആറു സാംപിള്‍ ശേഖരിക്കും. സംസ്ഥാന ഫൊറന്‍സിക് ലാബിലായിരിക്കും പരിശോധന നടത്തുക. 

കെപിസിസിയുടെ പുതിയ അധ്യക്ഷനെ തെരഞ്ഞെടുക്കാനുള്ള ചര്‍ച്ചകള്‍ നിര്‍ണായക ഘട്ടത്തിലേക്ക് കടക്കുമ്പോള്‍ മുതിര്‍ന്ന കോണ്‍ഗ്രസ് നേതാവ് കൊടിക്കുന്നില്‍ സുരേഷിന് പിന്തുണയേറുന്നു. എകെ ആന്റണി, വിഎം സുധീരന്‍, മുല്ലപ്പള്ളി രാമചന്ദ്രന്‍ എന്നീ മുതിര്‍ന്ന നേതാക്കള്‍ കൊടിക്കുന്നില്‍ സുരേഷിനെ പിന്തുണയ്ക്കുന്നതായാണ് സൂചന. നിര്‍ണായക രാഷ്ട്രീയ സാഹചര്യങ്ങളില്‍ സംസ്ഥാനത്തെ കാര്യങ്ങളില്‍ ഹൈക്കമാന്‍ഡ് അഭിപ്രായം തേടുന്ന നേതാക്കളാണ് ഇവര്‍.

എക്‌സൈസിലെ ഉന്നത ഉദ്യോഗസ്ഥര്‍ക്കെതിരായ മുന്‍ എക്‌സൈസ് കമ്മീഷണര്‍ സീറാം സാംബശിവ റാവുവിന്റെ റിപ്പോര്‍ട്ടില്‍ സര്‍ക്കാര്‍ ഇന്ന് നടപടി പ്രഖ്യാപിച്ചേക്കും. റിപ്പോര്‍ട്ടിലെ ഗുരുതര പരാമര്‍ശങ്ങളുടെ അടിസ്ഥാനത്തില്‍ ആഭ്യന്തര വകുപ്പിലെ വിജിലന്‍സ് അന്വേഷണം നടത്താനാണ് മന്ത്രി എം ലിജുവിന്റെ തീരുമാനം. ഇക്കാര്യത്തില്‍ ഉടൻ ആഭ്യന്തര വകുപ്പിന് കത്തു നല്‍കിയേക്കും.

ഇസ്രയേലില്‍ ബെഞ്ചമിന്‍ നെതന്യാഹുവിനെ അധികാരത്തില്‍നിന്ന് മാറ്റിനിര്‍ത്തി പുതിയ സര്‍ക്കാര്‍ രൂപീകരിക്കാനുള്ള നീക്കവുമായി പ്രതിപക്ഷ നേതാവ് ഗാഡി ഐസന്‍കോട്ട്. പുതിയ സര്‍ക്കാര്‍ രൂപീകരിക്കാന്‍ പ്രസിഡന്റ് ഐസക് ഹെര്‍സോഗ് ഐസന്‍കോട്ടിനെ ചുമതലപ്പെടുത്തി. ഇതിനായി 28 ദിവസമാണ് അനുവദിച്ചിരിക്കുന്നത്. ആവശ്യമെങ്കില്‍ 14 ദിവസം കൂടി നീട്ടിനല്‍കാനും വ്യവസ്ഥയുണ്ട്. 

തൊഴിൽരംഗത്ത് നിലനിന്നിരുന്ന അനിശ്ചിതത്വങ്ങൾ മാറി അനുകൂല സാഹചര്യമുണ്ടാകും. പ്രണയ ബന്ധത്തിൽ വിവാഹത്തിലേക്കുള്ള തീരുമാനമുണ്ടാകും. ആരോഗ്യം ശ്രദ്ധിക്കുക. ദൂരസ്ഥലത്ത് ജോലി ചെയ്യുന്നവർക്ക് നാട്ടിലേക്ക് മടങ്ങിവരാൻ അവസരമുണ്ടാകും. വസ്തു സംബന്ധമായ ഇടപാടുകളിൽ നേട്ടം കൈവരിക്കും. വിദ്യാഭ്യാസ കാര്യങ്ങളിൽ പുരോഗതിയുണ്ടാകും.