തിരുവനന്തപുരം: തിരുവനന്തപുരം മൃഗശാലയില്‍ സുരക്ഷാവീഴ്ച. അടുത്തിടെ മൃഗശാലയില്‍ കൊണ്ടുവന്ന ഹനുമാന്‍ കുരങ്ങ് ചാടിപ്പോയി. സമീപ്രദേശങ്ങളില്‍ മൃഗശാല ജീവനക്കാരുടെ നേതൃത്വത്തില്‍ തിരച്ചില്‍ ആരംഭിച്ചു.

ഇന്ന് വൈകീട്ടോടെയാണ് സംഭവം. കൂട് തുറക്കുന്നതിനിടെ സംഭവിച്ച വീഴ്ചയാണ് കുരങ്ങ് ചാടിപ്പോകാന്‍ കാരണമെന്നാണ് റിപ്പോര്‍ട്ടുകള്‍. അടുത്തിടെ തിരുപ്പതിയില്‍ നിന്ന് കൊണ്ടുവന്ന കുരങ്ങ് ആണ് ചാടിപ്പോയത് എന്നാണ് വിവരം.

മൃഗശാലയുടെ കൂറ്റന്‍ മതില്‍ ചാടി കടന്നാണ് കുരങ്ങ് രക്ഷപ്പെട്ടത്. കുരങ്ങ് ഓടിപ്പോകുന്നത് കണ്ടതായി നാട്ടുകാരില്‍ ചിലര്‍ പറയുന്നു. കുരങ്ങനെ പിടികൂടാന്‍ മൃഗശാല ജീവനക്കാരുടെ നേതൃത്വത്തില്‍ തിരച്ചില്‍ ആരംഭിച്ചിട്ടുണ്ട്. 

ഈ വാർത്ത കൂടി വായിക്കൂ

ഗുരുവായൂരിലെ ലോഡ്ജില്‍ രണ്ടു കുട്ടികള്‍ മരിച്ച നിലയില്‍; കൈ ഞരമ്പ് മുറിച്ച പിതാവ് ഗുരുതരാവസ്ഥയില്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ