തിരുവന്തപുരം: കഷായത്തില് വിഷം കലര്ത്തി കാമുകന് ഷാരോണ് രാജിനെ കൊലപ്പെടുത്തിയ കേസിലെ ഒന്നാം പ്രതി ഗ്രീഷ്മയുടെ ജാമ്യാപേക്ഷ തള്ളി. നെയ്യാറ്റിന്കര അഡീഷണല് സെഷന്സ് ജഡ്ജി വിദ്യാധരനാണ് ഗ്രീഷ്മയുടെ ജാമ്യാപേക്ഷ തള്ളിയത്. ഒന്നാം പ്രതിക്ക് ജാമ്യം ലഭിച്ചാല് സാക്ഷികളെ സ്വാധീനിക്കുമെന്നും വിചാരണയെ ബാധിക്കുമെന്നും പ്രോസിക്യൂഷന് കോടതിയില് വാദിച്ചു. ആത്മഹത്യാ പ്രവണതയുള്ള ഗ്രീഷ്മയെ ജാമ്യത്തില് വിട്ടാല് അപകടമാണെന്ന സ്പെഷ്യല് പബ്ലിക് പ്രോസിക്യൂട്ടറിന്റെ വാദവും കോടതി അംഗീകരിക്കുകയായിരുന്നു.
കഴിഞ്ഞ ഒക്ടോബര് 14നാണ് വീട്ടില് വിളിച്ചുവരുത്തിയ ശേഷം ഗ്രീഷ്മ, ഷാരോണിന് കഷായത്തില് വിഷം കലക്കി നല്കുന്നത്. ശാരീരിക അസ്വാസ്ഥ്യതയുണ്ടായ ഷാരോണിനെ ആശുപത്രിയില് പ്രവേശിപ്പിക്കുകയും 25ന് മരിക്കുകയും ചെയ്തു. മരണമൊഴിയില് പോലും ഷാരോണ് കാമുകിയായിരുന്ന ഗ്രീഷ്മയെ സംശയിച്ചില്ല. ആദ്യം പാറശ്ശാല പൊലീസ് സാധാരണമരണമെന്ന നിഗമനത്തിലെത്തി. പിന്നീട് പ്രത്യേക സംഘം നടത്തിയ അന്വേഷണത്തിലും ചോദ്യം ചെയ്യലിനുമൊടുവിലാണ് ഗ്രീഷ്മ കുറ്റസമ്മതം നടത്തിയത്.
മറ്റൊരാളുമായി വിവാഹം നിശ്ചയിച്ചതോടെ, ഷാരോണിനെ ഇല്ലാതാതാക്കാനാണ് വിഷം കലര്ത്തിയ കഷായം നല്കിയത്. ഇതിന് മുമ്പ് ഷാരോണിന്റെ കോളജില് പോയി മടങ്ങിയ വരുന്ന വഴിയും ജൂസില് പാരസറ്റമോള് കലര്ത്തി ഗ്രീഷ്മ നല്കിയിരുന്നു. അന്നും അസ്വസ്ഥകളെ തുടര്ന്ന് ആശുപത്രിയിലായ ഷാരോണ് രക്ഷപ്പെട്ടു. ഇതിന് ശേഷമാണ് വിഷം നല്കാന് തീരുമാനിച്ചത്. മകള് കൊലപാതികയാണെന്ന് മനസിലാക്കിയ അമ്മ സിന്ധുവും അമ്മാവന് നിര്മ്മല് കുമാരന് നായരും ചേര്ന്ന് തെളിവുകള് നശിപ്പിച്ചുവെന്നാണ് പൊലിസ് കുറ്റപത്രത്തില് പറയുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates