കോഴിക്കോട്: താമരശ്ശേരിയില് വിഷ കൂണ് ( mushroom ) പാചകം ചെയ്തു കഴിച്ച ആറു പേര്ക്ക് ഭക്ഷ്യവിഷബാധയേറ്റു ( food poison ). പൂനൂര് അത്തായക്കുന്നുമ്മല് അബൂബക്കര്, ഷബ്ന, സൈദ, ഫിറോസ്, ദിയ ഫെബിന്, മുഹമ്മദ് റസാന് എന്നിവര്ക്കാണ് ഭക്ഷ്യവിഷബാധയേറ്റത്.
ഇവര് മെഡിക്കല് കോളജ് ആശുപത്രിയില് ചികിത്സയിലാണ്. പറമ്പില് നിന്നും കിട്ടിയ കൂണ് അയല്വാസികളായ രണ്ടു കുടുംബങ്ങളാണ് ഇന്നലെ പാചകം ചെയ്തു കഴിച്ചത്. ഇന്നലെ വൈകീട്ട് നോമ്പ് തുറക്കുന്ന സമയത്തായിരുന്നു ഇവര് കൂണ് കഴിച്ചത്.
കൂണ് കഴിച്ചതിനു പിന്നാലെ ഇവര്ക്ക് ഛര്ദ്ദിയും ദേഹാസ്വാസ്ഥ്യവും അനുഭവപ്പെട്ടു. തുടര്ന്ന് ഇവരെ താമരശ്ശേരി താലൂക്ക് ആശുപത്രിയില് പ്രവേശിപ്പിച്ചു. പിന്നീട് ഇവരെ മെഡിക്കല് കോളജ് ആശുപത്രിയിലേക്ക് മാറ്റുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates