തിരുവനന്തപുരം: രക്തത്തിലെ അണുബാധയെത്തുടർന്നു ചികിത്സയിൽ കഴിയുന്ന മുൻ മന്ത്രി കെ ആർ ഗൗരിയമ്മയുടെ ആരോ​ഗ്യ നിലയിൽ നേരിയ പുരോ​ഗതി. മരുന്നുകളോട് പ്രതികരിക്കുന്നതായി കരമന പിആർഎസ് ആശുപത്രി അധികൃതർ അറിയിച്ചു. 

പനിയും ശ്വാസംമുട്ടലും കാരണമാണു വ്യാഴാഴ്ച ഗൗരിയമ്മയെ ആശുപത്രിയിലെത്തിച്ചത്. കോവിഡ് ഇല്ലെന്നു പരിശോധനയിൽ സ്ഥിരീകരിച്ചിരുന്നു. തീവ്ര പരിചരണ വിഭാഗത്തിലാണിപ്പോൾ.