കാസര്കോട്: സോഷ്യല് മീഡിയ ഇന്ഫ്ലുവന്സറായ യുവതിയെ ജീവനൊടുക്കിയ നിലയില് കണ്ടെത്തി. ആദൂര് സ്വദേശി ചിന്നു പാപ്പുവിനെയാണ് കാസര്കോട് വിദ്യാനഗര് പൊലീസ് സ്റ്റേഷന് പരിധിയിലെ വാടക മുറിയില് തൂങ്ങി മരിച്ച നിലയില് കണ്ടെത്തിയത്. ആശുപത്രിയില് എത്തിച്ചപ്പോഴേക്കും മരണം സ്ഥിരീകരിക്കുകയായിരുന്നു. ഇന്ന് ഉച്ചയോടെയാണ് വിദ്യാനഗര് പൊലീസിന് വിവരം ലഭിച്ചത്.
കുറച്ചു നാളായി ചിന്നു ഒറ്റയ്ക്കാണ് താമസിച്ചിരുന്നത്. ഇന്സ്റ്റഗ്രാമില് രണ്ട് ലക്ഷത്തിലധികം ഫോളോവേഴ്സുണ്ട്. കാസര്കോട് ഭാഷയിലാണ് ചിന്നു വിഡിയോകള് അവതരിപ്പിച്ചിരുന്നത്. പാചക, യാത്രാ വിഡിയോകളാണ് ഏറെയും. പ്രമോഷന് വിഡിയോകളും ചെയ്തിരുന്നു.
വിവാഹ മോചനവുമായി ബന്ധപ്പെട്ട കേസ് നടന്നുവരികയായിരുന്നുവെന്നാണ് ലഭിക്കുന്ന വിവരം. കുടുംബ പ്രശ്നമാണ് ആത്മഹത്യയ്ക്ക് കാരണമെന്നാണ് പ്രാഥമിക നിഗമനം. സംഭവത്തെക്കുറിച്ച് അന്വേഷണം നടത്തുകയാണെന്ന് വിദ്യാനഗര് പൊലീസ് അറിയിച്ചു.
Social Media Influencer Found Dead in Kasaragod: Social media influencer suicide has tragically claimed the life of Chithra Pappu in Kasaragod.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates