മലപ്പുറം: എട്ട് വയസുകാരനു നേരെ തെരുവു നായ്ക്കൂട്ടത്തിന്റെ ആക്രമണം. മലപ്പുറം മമ്പാടാണ് വീട്ടു മുറ്റത്തു കളിച്ചു കൊണ്ടിരുന്ന കുട്ടിയെ നായ്ക്കൂട്ടം ആക്രമിച്ചത്. 

സന്നദ്ധ സേവന സംഘടനയായ എമർജൻസി റെസ്ക്യു ഫോഴ്സ് അം​ഗമായ ഡെന്നി എബ്രഹാമിന്റെ മകൻ ജോയലിനെയാണ് അഞ്ചോളം നായകൾ കടിച്ചത്. കുട്ടിയുടെ കാലിനാണ് പരിക്കേറ്റത്. 

കുട്ടിയെ നിലമ്പൂർ ജില്ലാ ആശുപത്രിയിൽ പ്രവേശിപ്പിച്ചു. പരിക്ക് ​ഗുരുതരമല്ലെന്നാണ് വിവരം. മമ്പാട്, പലാപ്പറമ്പ് മേഖലകളിൽ തെരുവു നായ ശല്യം അതിരൂക്ഷമാണെന്നു നാട്ടുകാർ വ്യക്തമാക്കി. പരിഹാരം ആവശ്യപ്പെട്ടിട്ടും ഒരു നടപടിയും ഇല്ലെന്നും നാട്ടുകാർ ആരോപിച്ചു.

ഈ വാര്‍ത്ത കൂടി വായിക്കൂ 

സംസ്ഥാനത്ത് ഇന്ന് ആറ് പനി മരണം; ചികിത്സ തേടിയത് 11,418 പേർ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ