കോഴിക്കോട്: താമരശേരി ചുരത്തില്‍ ലോറി മറിഞ്ഞതിനെ തുടര്‍ന്ന് തടസപ്പെട്ട വാഹനഗതാഗതം പുനസ്ഥാപിച്ചു. ചുരത്തിലെ ആറാം വളവിലാണ് ടാങ്കര്‍ ലോറി മറിഞ്ഞത്. തമിഴ്നാട് രജിസ്‌ട്രേഷനിലുള്ള ടാങ്കര്‍ ലോറിയാണ് അപകടത്തില്‍പ്പെട്ടത്. വളവ് തിരിക്കുന്നതിനിടെ നിയന്ത്രണം വിട്ട് ലോറി മറിയുകയായിരുന്നു. ഇന്ന് വൈകീട്ടോടെയായിരുന്നു സംഭവം.
ടാങ്കര്‍ കാലിയായതിനാല്‍ വന്‍ അപകടം ഒഴിവായി. ടാങ്കര്‍ മറിഞ്ഞതിനെ തുടര്‍ന്ന് മണിക്കൂറുകള്‍ ഗതാഗതം തടസപ്പെട്ടു. ഒടുവില്‍ ടാങ്കര്‍ ലോറി വശത്തേക്ക് നീക്കി ഗതാഗതം പുനസ്ഥാപിക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates