ന്യൂഡല്ഹി : നിയമസഭ തെരഞ്ഞെടുപ്പിന് കോണ്ഗ്രസ് സ്ഥാനാര്ത്ഥികളെ നിശ്ചയിക്കാനുള്ള അന്തിമ വട്ട ചര്ച്ചകള്ക്ക് ഇന്ന് ഡല്ഹിയില് തുടക്കം. കേന്ദ്ര തെരഞ്ഞെടുപ്പ് സമിതിക്ക് മുന്നോടിയായി എച്ച് കെ പാട്ടീല് അധ്യക്ഷനായ സ്ക്രീനിംഗ് കമ്മിറ്റി ഇന്ന് യോഗം ചേരും. കെപിസിസി അധ്യക്ഷന് മുല്ലപ്പള്ളി രാമചന്ദ്രന്, പ്രതിപക്ഷ നേതാവ് രമേശ് ചെന്നിത്തല, മുന് മുക്യമന്ത്രി ഉമ്മന്ചാണ്ടി തുടങ്ങിയവര് ചര്ച്ചയില് പങ്കെടുക്കും.
കോണ്ഗ്രസ് മല്സരിക്കുന്ന 92 സീറ്റുകളിലേക്കുള്ള പട്ടികക്കായിരിക്കും രൂപം നല്കുക. അന്തിമ ചര്ച്ചയില് രാഹുല്ഗാന്ധിയും പങ്കെടുക്കും. 21 സിറ്റിംഗ് സീറ്റുകളില് മാറ്റമുണ്ടാകില്ലെന്നാണ് സൂചന. കേരളത്തില് നടന്ന സ്ക്രീനിംഗ് കമ്മിറ്റിക്ക് ശേഷം രണ്ട് മുതല് അഞ്ച് പേര് വരെ അടങ്ങുന്ന ചുരുക്കപ്പട്ടികയാണ് ഒരോ മണ്ഡലത്തിലേക്കും തയ്യാറാക്കിയിരിക്കുന്നത്.
പുതുമുഖങ്ങള്ക്കും വനിതകള്ക്കും, യുവാക്കള്ക്കും അവസരം നല്കണമെന്നാണ് ഹൈക്കമാന്ഡിന്റെ കര്ശന നിര്ദേശം. അതിനാല് ചില മണ്ഡലങ്ങളില് അപ്രതീക്ഷിത സ്ഥാനാര്ത്ഥികളെയും പരീക്ഷിച്ചേക്കാം. അറുപത് ശതമാനത്തോളം പുതുമുഖങ്ങളായിരിക്കും മത്സരിക്കാനിറങ്ങുകയെന്ന് നേരത്തെ എച്ച് കെ പാട്ടീല് വ്യക്തമാക്കിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates