കൊച്ചി: നിയമസഭാഗത്വം റദ്ദാക്കിയ ഉത്തരവിന്റെ സ്റ്റേ നീട്ടണമെന്നാവശ്യപ്പെട്ട് എ രാജ നല്കിയ ഹര്ജി ഹൈക്കോടതി തള്ളി. പത്തുദിവസത്തെ സ്റ്റേയാണ് ഹൈക്കോടതി അനുവദിച്ചിരുന്നത്. സുപ്രീംകോടതിയില് അപ്പീല് നല്കിയത് പരിഗണിച്ചാണ് ഹൈക്കോടതി തീരുമാനം.
പട്ടികജാതി സംവരണ മണ്ഡലമായ ദേവികുളത്ത് മത്സരിക്കാന് രാജയ്ക്ക് യോഗ്യതയില്ലെന്ന് വ്യക്തമാക്കിയാണ് ഹൈക്കോടതി അദ്ദേഹത്തെ അയോഗ്യനാക്കിയത്. രാജ അവകാശപ്പെടുന്നതുപോലെ അദ്ദേഹം ഹിന്ദു പറയര് സമുദായാംഗമല്ലെന്നും നാമനിര്ദേശ പത്രിക നല്കുമ്പോള് ക്രിസ്തുമതത്തിലായിരുന്നുവെന്നും കോടതി ചൂണ്ടിക്കാട്ടിയിരുന്നു. സത്യം മറച്ചുവയ്ക്കാന് ബോധപൂര്വമായ ശ്രമമുണ്ടായി. പത്രിക റിട്ടേണിങ് ഓഫിസര് തള്ളണമായിരുന്നുവെന്നും കോടതി അഭിപ്രായപ്പെട്ടിരുന്നു. വ്യാജ ജാതി സര്ട്ടിഫിക്കറ്റ് നല്കിയാണു രാജ മത്സരിച്ചതെന്നു ചൂണ്ടിക്കാട്ടി എതിര് സ്ഥാനാര്ഥി കോണ്ഗ്രസിലെ ഡി കുമാര് ആണ് ഹൈക്കോടതിയെ സമീപിച്ചത്.
എന്നാല് ഇതിനെതിരെ രാജ സുപ്രീംകോടതിയില് അപ്പീല് നല്കുകയായിരുന്നു. ജനന, സ്കൂള് സര്ട്ടിഫിക്കറ്റ് പ്രകാരം താന് പട്ടികജാതി വിഭാഗത്തിലെ പറയ സമുദായ അംഗമാണെന്നും ഔദ്യോഗിക രേഖകള് പരിശോധിക്കാതെയാണ് തന്നെ ഹൈക്കോടതി അയോഗ്യനാക്കിയതെന്ന് രാജ ഹര്ജിയില് പറയുന്നു. തന്റെവിവാഹം നടന്നത് ഹിന്ദു ആചാരപ്രകാരമാണെന്നും പൂര്വികര് 1950ന് മുന്പു കേരളത്തിലേക്ക് കുടിയേറിയവരാണെന്നും അപ്പീല് ഹര്ജിയില് പറയുന്നുണ്ട്.
ഈ വാര്ത്ത കൂടി വായിക്കൂ ശബരിമല വികസന അതോറിറ്റി വരുന്നു; കാനനപാത തുറക്കും, നെയ്യഭിഷേകത്തിന് പ്രത്യേക സ്ലോട്ട്, സംഭാവനകള്ക്ക് ഡിജിറ്റല് സംവിധാനം
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates