ആലപ്പുഴ: സപ്ലൈക്കോ കെട്ടിടത്തിൽ മോഷണം നടത്തിയ സംഭവത്തിൽ പ്രതി പിടിയിൽ. തിരുവമ്പാടിയിൽ പ്രവർത്തിക്കുന്ന സപ്ലൈക്കോയിൽ നിന്നു അലമാര കുത്തിത്തുറന്നു പണം മോഷ്ടിച്ച എടത്വ കട്ടപ്പുറം വീട്ടിൽ വർ​ഗീസ് (45) ആണ് അറസ്റ്റിലായത്. 

കെട്ടിടത്തിന്റെ എക്സോസ് ഫാൻ ഇളക്കി മാറ്റി അകത്തു കയറി അലമാര കുത്തിത്തുറന്നു പണം മോഷ്ടിക്കുകയായിരുന്നു. ഈ മാസം മൂന്നിന് രാത്രിയിലാണ് മോഷണം നടന്നത്. ആലപ്പുഴ സൗത്ത് പൊലീസാണ് ഇയാളെ പിടികൂടിയത്. ഇയാൾ നിരവധി മോഷണ കേസുകളിൽ പ്രതിയാണ്. 

പൊലീസ് നടത്തിയ പരിശോധനയിൽ വെലുത്ത സ്കൂട്ടറിൽ എത്തിയ ആളാണ് മോഷണം നടത്തിയതെന്നു തെളിഞ്ഞു. സ്കൂട്ടർ കേന്ദ്രീകരിച്ചു നടത്തിയ അന്വേഷണത്തിലാണ് വർ​ഗീസ് കുടുങ്ങിയത്. ആലപ്പുഴ സിഐ എസ് അരുണിന്റെ നേതൃത്വത്തിലുള്ള പൊലീസാണ് അന്വേഷണം നടത്തിയത്.

ഈ വാര്‍ത്ത കൂടി വായിക്കൂ

ഗുണ്ടാ സംഘം യുവാവിനെ ക്രൂരമായി മര്‍ദിച്ച കേസ്: ഒളിവില്‍ കഴിഞ്ഞ ഒന്നാം പ്രതി അറസ്റ്റില്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ