തിരുവനന്തപുരം: 12 വയസ് മുതല് പ്രായമുള്ള കുട്ടികള്ക്കുള്ള കോവിഡ് വാക്സിനേഷന് യജ്ഞത്തിന്റെ ഭാഗമായി ഇന്ന് 45,881 കുട്ടികള് വാക്സിന് സ്വീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. 15 മുതല് 17 വരെ പ്രായമുള്ള 11,554 കുട്ടികളും 12 മുതല് 14 വരെ പ്രായമുള്ള 34,327 കുട്ടികളും വാക്സിന് സ്വീകരിച്ചു. 15 മുതല് 17 വരെ പ്രായമുള്ള 5,054 കുട്ടികള് ആദ്യ ഡോസും 6,500 കുട്ടികള് രണ്ടാം ഡോസും സ്വീകരിച്ചു. 12 മുതല് 14 വരെ പ്രായമുള്ള 27,486 കുട്ടികള് ആദ്യ ഡോസും 6,841 കുട്ടികള് രണ്ടാം ഡോസും സ്വീകരിച്ചു. വാക്സിനേഷന് യജ്ഞം മേയ് 28 വരെ തുടരും. കുട്ടികളെ സുരക്ഷിതമായി സ്കൂളിലയയ്ക്കാന് 12 വയസിന് മുകളില് പ്രായമുള്ള എല്ലാ കുട്ടികള്ക്കും വാക്സിന് നല്കേണ്ടതാണെന്ന് മന്ത്രി അഭ്യര്ത്ഥിച്ചു.
ആകെ 1263 വാക്സിനേഷന് കേന്ദ്രങ്ങളാണ് ഇന്നു പ്രവര്ത്തിച്ചത്. 12 വയസിന് മുകളിലുള്ള കുട്ടികള്ക്കായി 699 വാക്സിനേഷന് കേന്ദ്രങ്ങളും 15 വയസിന് മുകളിലുള്ളവര്ക്കായി 301 കേന്ദ്രങ്ങളും 18 വയസിന് മുകളിലുള്ളവര്ക്കായി 263 കേന്ദ്രങ്ങളുമാണ് പ്രവര്ത്തിച്ചത്.
15 മുതല് 17 വരെ പ്രായമുള്ള 82 ശതമാനം കുട്ടികള്ക്ക് ആദ്യ ഡോസ് വാക്സിനും 53 ശതമാനം കുട്ടികള്ക്ക് രണ്ടാം ഡോസും നല്കി. 12 മുതല് 14 വരെ പ്രായമുള്ള 44 ശതമാനം കുട്ടികള്ക്ക് ആദ്യ ഡോസ് വാക്സിനും 12 ശതമാനം കുട്ടികള്ക്ക് രണ്ടാം ഡോസും നല്കിയിട്ടുണ്ട്.
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates