ശബരിമല സ്വര്ണക്കൊള്ളയില് മുന് ദേവസ്വം മന്ത്രി കടകംപള്ളി സുരേന്ദ്രനെ പ്രത്യേക അന്വേഷണ സംഘം ചോദ്യം ചെയ്തത് രണ്ടുമണിക്കൂര്. ശനിയാഴ്ച എസ്ഐടി ഓഫീസില് വിളിച്ചുവരുത്തിയാണ് പ്രത്യേക അന്വേഷണം സംഘം കടകംപള്ളിയെ ചോദ്യം ചെയ്തത്. മുന് ദേവസ്വം മന്ത്രി എന്ന നിലയിലായിരുന്നു ചോദ്യങ്ങളെന്നും അറിയാവുന്ന കാര്യങ്ങള് പറഞ്ഞുവെന്നും കടകംപള്ളി സുരേന്ദ്രന് മാധ്യമങ്ങളോട് പറഞ്ഞു. മൊഴി നല്കിയതില് ആരെയും പഴി ചാരിയിട്ടില്ലെന്നും ആരെയെങ്കിലും കുറ്റപ്പെടുത്താന് തനിക്ക് ഇതേക്കുറിച്ച് എന്തെങ്കിലും അറിവുവേണ്ടോയെന്നും കടകംപള്ളി ചോദിച്ചു. എന്നാല് കൂടുതല് ചോദ്യങ്ങളോട് പ്രതികരിക്കാന് മുന് മന്ത്രി തയ്യാറായില്ല.. നടൻ മോഹൻലാലിന്റെ അമ്മ ശാന്തകുമാരി അമ്മ അന്തരിച്ചു. തൊണ്ണൂറ് വയസായിരുന്നു. പക്ഷാഘാതത്തെ തുടർന്ന് ചികിത്സയിലായിരുന്നു. കൊച്ചി എളമക്കരയിലെ വീട്ടിലായിരുന്നു അന്ത്യം..മകരവിളക്ക് മഹോത്സവത്തിനായി ശബരിമല നട തുറന്നു. വൈകീട്ട് 5നാണ് നട തുറന്നത്. ജനുവരി 14നാണ് മകരവിളക്ക്. മകരവിളക്കു കാലത്തെ പൂജകള് നാളെ പുലര്ച്ചെ 3ന് ആരംഭിക്കും. അയ്യപ്പ ഭക്തരെ സ്വീകരിക്കാനായി മികച്ച ക്രമീകരണങ്ങളാണു ഒരുക്കിയിരിക്കുന്നത്..'എല്ലാം അയ്യപ്പന് നോക്കിക്കോളു'മെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് എ പത്മകുമാര്. കൊല്ലം വിജിലന്സ് കോടതിയില് ഹാജരാക്കി മടങ്ങുമ്പോഴാണ് മാധ്യമങ്ങളോട് പത്മകുമാറിന്റെ പ്രതികരണം. ദൈവതുല്യന് ആരാണെന്ന ചോദ്യത്തിന് 'വേട്ടനായ്ക്കള് അല്ലെ'ന്ന് പത്മകുമാര് പറഞ്ഞു. കടകംപള്ളി സുരേന്ദ്രന് ആണോ ദൈവതുല്യന് എന്ന് മാധ്യമങ്ങള് ആവര്ത്തിച്ചു ചോദിച്ചപ്പോള്, 'ഏതായാലും ശവംതീനികള് അല്ല' എന്നായിരുന്നു മറുപടി..പുതുവത്സരാഘോഷങ്ങളുടെ ഭാഗമായി ബാറുകളുടെ പ്രവര്ത്തന സമയത്തില് ഇളവ്. ഡിസംബര് 31 ബുധനാഴ്ച ബാറുകള്ക്ക് രാത്രി 12 മണിവരെ പ്രവര്ത്തിക്കാം. ബിയര് വൈന് പാര്ലറുകളുടെ സമയവും നീട്ടി നല്കിയിട്ടുണ്ട്. ഇളവ് സംബന്ധിച്ച് സര്ക്കാര് ഉത്തരവിറക്കി. .Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates