മലപ്പുറം: ദേശീയപാത വികസനവുമായി ബന്ധപ്പെട്ട് റോഡരികിലെ മരം മുറിച്ചതിനെ തുടര്‍ന്ന് പക്ഷികള്‍ കൂട്ടത്തോടെ ചത്ത സംഭവത്തില്‍ വനം വകുപ്പ് കേസെടുത്തു. കുളപ്പുറം വികെ പടിയിലാണ് മരം മുറിച്ചത്. 

വനം വകുപ്പ് ഉദ്യോഗസ്ഥര്‍ സ്ഥലത്തെത്തി നാട്ടുകാരുടെ മൊഴി രേഖപ്പെടുത്തി. വന്യജീവി സംരക്ഷണ നിയമപ്രകാരമാണ് കേസെടുത്തിരിക്കുന്നത്. വനം വകുപ്പിന്റെ ഷെഡ്യൂള്‍ നാലില്‍പ്പെട്ട എരണ്ട പക്ഷികളാണ് ചത്തത്. 

മരം മുറിക്കുമ്പോള്‍ ഇതിന് മുകളില്‍ ധാരാളം പക്ഷികള്‍ ഉണ്ടായിരുന്നു. മരം മുറിഞ്ഞു വീണ് അടിയില്‍പ്പെട്ട് നൂറുകണക്കിന് പക്ഷികളാണ് ചത്തത്. 

സമാനമായ സംഭവം പ്രദേശത്തിന് അടുത്തുള്ള രണ്ടത്താണിയിലും ഉണ്ടായിരുന്നു. ഇവിടെയും മരം മറിച്ചുമാറ്റിയപ്പോള്‍ ദേശാടന പക്ഷികളടക്കമുള്ളവയ്ക്ക് ജീവന്‍ നഷ്ടപ്പെട്ടിരുന്നു.

ഈ വാര്‍ത്ത കൂടി വായിക്കൂ 

അമിത് ഷാ ഇന്ന് തിരുവനന്തപുരത്ത്; നെഹ്റു ട്രോഫി വള്ളംകളി കാണാനെത്തില്ല 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ