ഇന്ന് രാത്രിയോടെ ഇറാന് അവസാനിക്കുമെന്ന് യുഎസ് പ്രസിഡന്റ് ഡോണള്ഡ് ട്രംപിന്റെ ഭീഷണി. ഹോര്മുസ് കടലിടുക്ക് തുറക്കാന് ഇറാന് നല്കിയ സമയം ബുധനാഴ്ച പുലര്ച്ചെ 5.30ന് (ഇന്ത്യന് സമയം) അവസാനിക്കാനിരിക്കേയാണ് ട്രംപിന്റെ മുന്നറിയിപ്പ്. 'തിരികെക്കിട്ടാന് ആകാത്തവിധം ഇറാന് ഇന്ന് രാത്രി അവസാനിക്കും. അങ്ങനെയുണ്ടാകാന് ഞാന് ആഗ്രഹിക്കുന്നില്ല. പക്ഷേ അത് സംഭവിക്കും' ട്രൂത്ത് സോഷ്യലില് ട്രംപ് കുറിച്ചു.. തെലങ്കാന മുഖ്യമന്ത്രി രേവന്ത് റെഡ്ഡിക്കെതിരെ മോശം പ്രയോഗവുമായി മുഖ്യമന്ത്രി പിണറായി വിജയന്. ഡാഷ് മോനേ രേവന്താ.... മറുപടി വരുന്നുണ്ട് എന്നു മാത്രമേ ഇപ്പോള് പറയുന്നുള്ളൂ എന്നായിരുന്നു പിണറായി വിജയന്റെ പ്രതികരണം. രേവന്ത് റെഡ്ഡി കേരളത്തില് പറഞ്ഞ കാര്യങ്ങള്ക്ക് താന് ഇപ്പോള് മറുപടി പറയാനില്ലെന്നും പിണറായി വിജയന് വാര്ത്താസമ്മേളനത്തില് പറഞ്ഞു..സംസ്ഥാനത്ത് അടുത്ത നാല്പ്പത്തിയെട്ട് മണിക്കൂര് നിശബ്ദ പ്രചാരണം. കേരളം മറ്റന്നാള് പോളിങ് ബൂത്തിലെത്തും. ഒരു മാസത്തില് താഴെ മാത്രം നിന്ന പരസ്യപ്രചാരണത്തിന് വൈകുന്നേരം ആറുമണിയോടെയാണ് തിരശീല വീണത്. നാടും നഗരവും നിറഞ്ഞ കൊട്ടിക്കലാശത്തിന്റെ ആവേശം വാനോളം..ഈ മാസം നടക്കുന്ന അഞ്ച് നിയമസഭാ തെരഞ്ഞെടുപ്പുകളുടെ പശ്ചാത്തലത്തില്, ഏപ്രില് 9 രാവിലെ 7 മണി മുതല് ഏപ്രില് 29 വൈകുന്നേരം 6.30 വരെ എക്സിറ്റ് പോളുകള് നടത്തുന്നതിനോ പ്രസിദ്ധീകരിക്കുന്നതിനോ വിലക്ക് ഏര്പ്പെടുത്തി തെരഞ്ഞെടുപ്പ് കമ്മീഷന്. എക്സിറ്റ് പോളുകള് സംപ്രേഷണം ചെയ്യുന്നത് ജനപ്രാതിനിധ്യ നിയമത്തിലെ 126A വകുപ്പിന്റെ ലംഘനമാണെന്നും രണ്ട് വര്ഷം വരെ തടവോ പിഴയോ അല്ലെങ്കില് രണ്ടും കൂടിയോ ലഭിക്കാവുന്ന കുറ്റമാണെന്ന് കമ്മീഷന് മുന്നറിയിപ്പ് നല്കി..കേരളത്തില് വന് കെടുതി വിതച്ച 2018 ലെ പ്രളയം മനുഷ്യനിര്മ്മിതമെന്ന് കോണ്ഗ്രസ് നേതാവ് മാത്യു കുഴല്നാടന്. ആരോപണത്തിന് തെളിവായി മന്ത്രി കെ കൃഷ്ണന്കുട്ടിയുടെ ശബ്ദരേഖ മാത്യു കുഴല്നാടന് പുറത്തു വിട്ടു. ഡാമുകള് തുറക്കാതിരുന്നത് ഉദ്യോഗസ്ഥരുടെ അഴിമതിയാണെന്ന് ശബ്ദരേഖയിലുണ്ട്. ആദ്യ പിണറായി വിജയന് മന്ത്രിസഭയിലെ ജലസേചന വകുപ്പ് മന്ത്രി ആയിരുന്ന മാത്യു ടി തോമസ് സ്വകാര്യ കമ്പനികള്ക്ക് ലാഭം ഉണ്ടാക്കാന് സംസ്ഥാനത്തെ കുരുതി കൊടുത്തെന്നും മാത്യു കുഴല്നാടന് ആരോപിക്കുന്നു.Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates