തൊടുപുഴ: ക്യാരറ്റും പൈനാപ്പിളും ഒന്നും വേണ്ട പടയപ്പയ്ക് ഇപ്പോള്‍ പ്രിയം ന്യൂഡില്‍സും ബണ്ണും ഒക്കെയാണ്. പടയപ്പയുടെ ഭക്ഷണ രീതികള്‍ മാറിയതോടെ വെട്ടിലായിരിയ്ക്കുകയാണ് മൂന്നാറിലെ വഴിയോര കച്ചവടക്കാര്‍. നിരവധി വഴിയോര കടകള്‍ക്ക് നേരെയാണ് കാട്ടാന ആക്രമണം ഉണ്ടായത്.
മുമ്പൊക്കെ വഴിയോര കച്ചവട കേന്ദ്രങ്ങള്‍ തകര്‍ത്തും ലോറി തടഞ്ഞു നിര്‍ത്തിയുമൊക്കെ പടയപ്പ അകത്താക്കിയിരുന്നത് പൈനാപ്പിളും ഓറഞ്ചും ക്യാരറ്റും ഒക്കെയായിരുന്നു.
കഴിഞ്ഞദിവസം രാത്രി പെരിയവാര പാലത്തിന് സമീപമുള്ള നാല് കടകളാണ് പടയപ്പ തകര്‍ത്തത്. വില്‍പ്പനയ്ക്കായി വെച്ചിരുന്ന സാധനങ്ങളും അകത്താക്കി. വഴിയോര കടകളില്‍ മുമ്പ് പഴ വര്‍ഗ്ഗങ്ങള്‍ ആയിരുന്നു വില്‍പ്പനക്കായി സൂക്ഷിച്ചിരുന്നത്. പടയപ്പയുടെ ശല്യം രൂക്ഷമായതോടെ വ്യാപാരികള്‍ ബേക്കറി ഉല്‍പ്പന്നങ്ങള്‍ കൂടുതലായി വില്‍ക്കാന്‍ ആരംഭിക്കുകയായിരുന്നു. പഴവര്‍ഗ്ഗങ്ങള്‍ ഒഴിവാക്കി ബേക്കറി ഉല്‍പ്പന്നങ്ങള്‍ അകത്താക്കാന്‍ ആരംഭിച്ചതോടെ വ്യാപാരികള്‍ കൂടുതല്‍ പ്രതിസന്ധിയില്‍ ആയിരിക്കുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates