പാലക്കാട് കാർ മരത്തിലിടിച്ച് രണ്ടുമരണം; രണ്ടു പേരുടെ നില ഗുരുതരം

ഷൊർണ്ണൂരിൽനിന്ന് ഒറ്റപ്പാലം ഭാഗത്തേക്ക് വരികയായിരുന്ന കാർ നിയന്ത്രണം വിട്ട് മരത്തിലിടിക്കുകയായിരുന്നു

Author : സമകാലിക മലയാളം ഡെസ്ക്

Edited By : Jayakumar

Updated:11th Nov, 2026 at 6:48 AM

പാലക്കാട്: പാലക്കാട് ജില്ലയിലെ മനിശ്ശേരിയിൽ കാർ മരത്തിലിടിച്ച് രണ്ടുപേർ മരിച്ചു. മൂന്നുപേർക്ക് പരിക്കേറ്റു. അഞ്ചുപേരാണ് കാറിലുണ്ടായിരുന്നത്.

Add as a preferred source on Google

പനമണ്ണ സ്വദേശി വൈശാഖ്, വാസു എന്നിവരാണ് മരിച്ചത്. ഇവർ രണ്ടുപേരും സംഭവസ്ഥലത്തു വെച്ചു തന്നെ മരിച്ചു. പരിക്കേറ്റ രണ്ടുപേരുടെ നില അതീവ ഗുരുതരമാണ്.

ചൊവ്വാഴ്ച അർധരാത്രി 12.30-ഓടെയായിരുന്നു അപകടം. ഷൊർണ്ണൂരിൽനിന്ന് ഒറ്റപ്പാലം ഭാഗത്തേക്ക് വരികയായിരുന്ന കാർ നിയന്ത്രണം വിട്ട് മരത്തിലിടിക്കുകയായിരുന്നു.