തിരുവനന്തപുരം: ബലാത്സംഗക്കേസില് എല്ദോസ് കുന്നപ്പിള്ളി എംഎല്എയുടെ മുന്കൂര് ജാമ്യാപേക്ഷയില് കോടതി ഇന്ന് വിധി പ്രസ്താവിക്കും. തിരുവനന്തപുരം അഡീഷണല് സെഷന്സ് കോടതിയാണ് വിധി പുറപ്പെടുവിക്കുക. എംഎല്എയ്ക്കെതിരെ കൂടുതല് വകുപ്പുകള് ചുമത്തിയ കാര്യം പൊലീസ് കോടതിയെ അറിയിക്കും.
ഉത്തരവ് പുറപ്പെടുവിക്കും മുമ്പ് തന്റെ ഭാഗം കൂടി കേള്ക്കണമെന്ന് ആവശ്യപ്പെട്ട് പരാതിക്കാരിയും കോടതിയില് ഹര്ജി നല്കിയിട്ടുണ്ട്. അധ്യാപികയുടെ പരാതിയില് ക്രൈംബ്രാഞ്ച് രജിസ്റ്റര്ചെയ്ത കേസില് എല്ദോസിനെതിരെ വധശ്രമത്തിനുള്ള വകുപ്പും ഉള്പ്പെടുത്തി. കോവളത്തെ ആത്മഹത്യാ പോയന്റിന് സമീപത്തുവെച്ച് കൊല്ലാന് ശ്രമിച്ചുവെന്ന മൊഴിയിലാണിത്.
യുവതിയെ ബലാത്കാരമായി നഗ്നയാക്കിയെന്ന വകുപ്പും ഉള്പ്പെടുത്തിയിട്ടുണ്ട്. കോവളം ഗസ്റ്റ്ഹൗസില്വെച്ച് പീഡിപ്പിച്ചെന്ന മൊഴിയില് അന്വേഷണസംഘം യുവതിയെ തെളിവെടുപ്പിനായി അവിടെയെത്തിച്ചു. പരാതിയില് പറയുന്ന ദിവസങ്ങളില് എല്ദോസ് കുന്നപ്പിള്ളി അവിടെ മുറിയെടുത്തിരുന്നതായി കണ്ടെത്തി. പൊലീസ് കേസെടുത്തതിന് പിന്നാലെ എല്ദോസ് കുന്നപ്പിള്ളി ഒളിവിലാണ്.
ഈ വാര്ത്ത കൂടി വായിക്കൂ ആലപ്പുഴയില് കെഎസ്ആര്ടിസി സ്വിഫ്റ്റ് ബസിന് നേരെ കല്ലേറ്
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates