കൊച്ചി: പ്രായപൂർത്തിയാകാത്ത പെൺകുട്ടിയെ കഞ്ചാവ് ഉപയോഗിക്കാൻ സമൂഹമാധ്യമത്തിലൂടെ ക്ഷണിച്ചതിന് പിടിയിലായ വ്ലോ​ഗർ ഫ്രാൻസിസ് നെവിൻ അഗസ്റ്റിൻ (34) എക്സൈസ് ഓഫീസിലും പ്രകടനം തുടർന്നു. കഞ്ചാവിന്റെ ​ഗുണ​ഗണങ്ങൾ വിശദീകരിച്ചു കൊണ്ടായിരുന്നു കഞ്ചാവ് ലഹരിയിൽ ഫ്രാൻസിസ് നെവിന്റെ പ്രകടനം. 

പ്ലസ് ടു വിദ്യാർത്ഥിനിയെ കഞ്ചാവ് ഉപയോഗിക്കാൻ സമൂഹമാധ്യമത്തിലൂടെ ക്ഷണിച്ചതിന് ഇന്നലെയാണ് എക്സൈസ് സംഘം  ഫ്രാൻസിസ് നെവിനെ കസ്റ്റഡിയിലെടുത്തത്. ദേഹപരിശോധനയിൽ ഉൾവസ്ത്രത്തിൽ നിന്നും 2 ഗ്രാം കഞ്ചാവും കണ്ടെടുത്തു. തുടർന്ന് ഇയാളെ മട്ടാഞ്ചേരി എക്സൈസ് റേഞ്ച് ഇൻസ്പെക്ടർ അറസ്റ്റു ചെയ്തു.

കഞ്ചാവ് കിട്ടുന്നില്ല എന്നു പരാതിപ്പെട്ട പ്ലസ് ടു വിദ്യാർഥിനിയോട് അതിനായി കോതമംഗലത്തേക്കു പോകാൻ ഉപദേശിക്കുന്ന ഈ വ്ലോഗറുടെ വിഡിയോ കഴിഞ്ഞ ദിവസം വൈറലായിരുന്നു. ഇയാൾ പെൺകുട്ടിയുമായി നടത്തിയ ചർച്ച ഇൻസ്റ്റ​ഗ്രാം, യൂട്യൂബ്, വാട്സ് ആപ് എന്നിവയിലൂടെ വ്യാപകമായി പ്രചരിച്ചിരുന്നു. വീഡിയോയിൽ വ്ലോ​ഗറുമായി സംസാരിച്ച പെൺകുട്ടിയെ കണ്ടെത്താൻ എക്സൈസ് അന്വേഷണം ആരംഭിച്ചു. 

ഈ വാര്‍ത്ത കൂടി വായിക്കൂ 

കൂട്ടുകാര്‍ക്ക് വെള്ളവുമായി പോയി; ടെറസില്‍ നിന്ന് 11 കെവി ലൈനില്‍ തട്ടി റോഡിലേക്ക് വീണ് യുവാവിന് ദാരുണാന്ത്യം

സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ