തൃശൂർ: റോഡ് മുറിച്ച് കടന്നെത്തിയ കാട്ടാന വീട്ടുമുറ്റത്ത് നിൽക്കുകയായിരുന്ന ഗൃഹനാഥനെ തൂക്കി എറിഞ്ഞു. ചാലക്കുടിയിലാണ് സംഭവം.

കാട്ടാന ആക്രമണത്തിൽ ഗൃഹനാഥന് പരിക്കേറ്റു. വെറ്റിലപ്പാറ 13ൽ ഇളപ്ലാശേരി വീട്ടിൽ ജിമ്മി സെബാസ്റ്റ്യനെ ആണ് ആന തുമ്പിക്കൈയിലെടുത്തു വലിച്ചെറിഞ്ഞത്.

Alappuzha hybrid cannabis: ഹൈബ്രിഡ് കഞ്ചാവ് വാങ്ങിയെന്ന് മൊഴി; സിനിമാതാരങ്ങള്‍ പ്രതിയായേക്കും; പരിശോധനയില്‍ നിന്ന് രക്ഷപ്പെടാന്‍ കുട്ടികള്‍ക്കൊപ്പം യാത്ര

ബുധനാഴ്ച രാത്രി 10.15ഓടെയാണ് സംഭവം. രാത്രി വീട്ടുമുറ്റത്ത് നിൽക്കുമ്പോഴാണ് ജമ്മി സെബാസ്റ്റ്യനെ ആന ആക്രമിച്ചത്. നിലവിളി കേട്ടെത്തിയവർ ഫോറസ്റ്റ് ഉദ്യോ​ഗസ്ഥരെ വിവരമറിയിച്ചു.

ആന കാടുകയറിപ്പോയി. ദേഹാസ്വസ്ഥ്യം അനുഭവപ്പെട്ടതിനെ തുടർന്ന് വ്യാഴാഴ്ച പുലർച്ചെ ജമ്മി സെബാസ്റ്റ്യൻ താലൂക്ക് ആശുപത്രിയിൽ ചികിത്സ തേടി.