ആലപ്പുഴ: ചേർത്തയിൽ വിദേശ മദ്യവുമായി യുവാവ് പിടിയിൽ. 46 ലിറ്റർ മദ്യവുമായാണ് ഇയാളെ പിടികൂടിയത്. പാണാവള്ളി തോട്ടുചിറ വീട്ടിൽ സജീഷിനെ (37)യാണ് പൂച്ചാക്കൽ പൊലീസ് അറസ്റ്റ് ചെയ്തത്. 

ഇയാളുടെ സ്കൂട്ടറിലും ചാക്കിലും സഞ്ചിയിലും സൂക്ഷിച്ച നിലയിലാണ് 46 ലിറ്റർ ഇന്ത്യൻ നിർമിത വിദേശ മദ്യം കണ്ടെത്തിയത്. തൈക്കാട്ടുശ്ശേരി ചീരാത്തുകാട് ബിവറേജസ് കോർപറേഷൻ ഔട്ട്ലറ്റിനു സമീപത്ത് പൊലീസ് നടത്തിയ പരിശോധനക്കിടെയാണ് ഇയാൾ പിടിയിലായത്. 

ഓണാഘോഷത്തിന്റെ ഭാ​ഗമായി അനധികൃത മദ്യ വിൽപ്പന തടയുന്നത് ലക്ഷ്യമിട്ടായിരുന്നു വ്യാപക പരിശോധന. പൊലീസ് ഇൻസ്പെക്ടർ അജയ മോഹന്റെ നേതൃത്വത്തിലായിരുന്നു പരിശോധന. 

ഈ വാർത്ത കൂടി വായിക്കൂ 

'രാഷ്ട്രീയ മുതലെടുപ്പ് വേണ്ട'- പുതുപ്പള്ളിയിൽ ഒണക്കിറ്റ് വിതരണം ചെയ്യാം

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ