തിരുവനന്തപുരം: പ്രതിശ്രുതവരനൊപ്പം ബൈക്കിൽ യാത്രചെയ്യുന്നതിനിടെ അപകടത്തിൽപ്പെട്ട് യുവതി മരിച്ചു. 23കാരിയായ വി ജെ അഞ്ജന ആണ് മരിച്ചത്.  കാറിടിച്ചാണ് അപകടമുണ്ടായത്. 

ശ്രീനാരായണപുരം തീപ്പുകൽ മുടിയൂർക്കോണത്തു വീട്ടിൽ ജയൻ-വിലാസിനി ദമ്പതികളുടെ മകളാണ് അഞ്ജന. പ്രതിശ്രുതവരൻ മഞ്ഞമല സ്വദേശി ആദർശ് ആണ് അഞ്ജനയ്ക്കൊപ്പം ഉണ്ടായിരുന്നത്. ബൈക്ക് ഓടിച്ചിരുന്ന ആദർശ്  ചെറിയ പരുക്കുകളോടെ രക്ഷപ്പെട്ടു. 

കാർ ഡ്രൈവർ പുനലൂർ ആയിരനല്ലൂർ ചരുവിള പുത്തൻവീട് ഷെരീഫ് (45) അറസ്റ്റിലായി.