മലപ്പുറം: ഡേറ്റിങ് ആപ് വഴി പരിചയപ്പെട്ടയാളെ മർദിച്ച് കാറും പണവും തട്ടിയെടുത്ത യുവാക്കൾ അറസ്റ്റിൽ.  കോഴിക്കോട് സ്വദേശികളായ എൻ പി പ്രണവ് (22), ഷഹദ് ഷമീം (22) എന്നിവരും പ്രായപൂർത്തിയാകാത്ത ഒരാളുമാണ് അറസ്റ്റിലായത്. കോട്ടയ്ക്കൽ സ്വദേശിയെയാണ് വാഴയൂരിലെ മലമുകളിൽ എത്തിച്ച് മർദിച്ചത്. 

വെള്ളിയാഴ്ച രാത്രി കാക്കഞ്ചേരിയിലേക്കു വിളിച്ചുവരുത്തി അവിടേനിന്നാണ് വാഴയൂരിലെ മലമുകളിൽ എത്തിച്ചത്. സമൂഹമാധ്യമത്തിൽ അപകീർത്തിപ്പെടുത്തുമെന്നു ഭീഷണിപ്പെടുത്തി 10,000 രൂപ അക്കൗണ്ടിലേക്കു വാങ്ങി. രാത്രി 12മണിക്ക് രാമനാട്ടുകര ബസ് സ്റ്റാൻഡിനു മുന്നിൽ ഇറക്കിവിട്ട ശേഷം പ്രതികൾ കാറുമായി കടന്നു. കാർ തിരികെ നൽകാൻ അഞ്ച് ലക്ഷം രൂപ വേണമെന്നും ആവശ്യപ്പെട്ടു. 

ദിവസക്കൂലിക്ക് ഡ്രൈവറുമായി കാറിൽ കറങ്ങുകയായിരുന്ന മൂവർ സംഘത്തെ പൊലീസ് പിടികൂടി. മോഷ്ടിച്ചതാണെന്ന് അറിയാതെയാണ് ജോലി ചെയ്തതെന്ന് ഡ്രൈവർ മൊഴി നൽകി. അറസ്റ്റിലായ പ്രണവ്, ഷഹദ് എന്നിവരെ റിമാൻഡ് ചെയ്തു. പ്രായപൂർത്തിയാകാത്തയാളെ തിരൂർ ബാലനീതി ബോർഡ് മുൻപാകെ ഹാജരാക്കി.

ഈ വാര്‍ത്ത കൂടി വായിക്കൂ

അന്നനാളം അടഞ്ഞു, 32കാരിയുടെ ഭാരം 35കിലോയായി; അപൂര്‍വ ശസ്ത്രക്രിയയിലൂടെ ആശ്വാസം

സമകാലിക മലയാളം ഇപ്പോള്‍ വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ