കൊച്ചി: സിനിമാ പ്രവര്‍ത്തകര്‍ കൂട്ടമായി എത്താന്‍ തുടങ്ങിയതോടെ നടിയെ അക്രമിച്ച കേസില്‍ ആലുവ സബ്ജയിലില്‍ കഴിയുന്ന ദിലീപിന്റെ സന്ദര്‍ശകര്‍ക്കു നിയന്ത്രണം ഏര്‍പ്പെടുത്തി. കുടുംബാംഗങ്ങള്‍ക്കും പ്രധാന വ്യക്തികള്‍ക്കും മാത്രമാകും ഇനിമുതല്‍ ദിലീപിനെ കാണാന്‍ അനുമതിയുണ്ടാവുക.

ഇന്ന് എട്ടുപേരോളം സന്ദര്‍ശനാനുമതി ചോദിച്ചെങ്കിലും നല്‍കാന്‍ പോലീസ് തയാറായില്ല. ഓണ ദിവസം മുതലാണ് സിനിമാ പ്രവര്‍ത്തകര്‍ ദിലീപിനെ സന്ദര്‍ശിക്കാന്‍ ജയിലില്‍ എത്താന്‍ തുടങ്ങിയത്. പിന്നീട്, പ്രമുഖ നടന്‍മാരുള്‍പ്പടെ ദിലീപിന്റെ സന്ദര്‍ശകരുടെ എണ്ണം കൂടിക്കൊണ്ടിരിന്നു.

കൂടുതല്‍ സന്ദര്‍ശകരെത്തുന്നത് കേസിനെ ബാധിക്കുമെന്നതാണ് നിയന്ത്രണം ഏര്‍പ്പെടുത്തുന്നതെന്നാണ് സൂചന.