കൊച്ചി: കേരളത്തിലെ പ്രളയപ്പെയ്ത്തില്‍ ഗായിക സിതാരയുടെ ആലുവയിലുള്ള വീടിന്റെ ആദ്യനില പൂര്‍ണമായി വെള്ളത്തില്‍ മുങ്ങിയിരുന്നു. വെള്ളം വലിഞ്ഞതിന് പിന്നാലെ വീട്ടിലെത്തിയ ശേഷം വീട് വൃത്തിയാക്കുന്നതിനെ പറ്റി സിതാര പറയുന്നു. നേരത്തെ ലഭിച്ച അറിയിപ്പിന്റെ അടിസ്ഥാനത്തില്‍ വെള്ളം കയറുന്നതിന് മുന്‍പായി താമസം മാറിയിരുന്നു, എന്നാല്‍ വീട്ടിലെ സാധനസാമഗ്രികള്‍ പൂര്‍ണമായും നശിച്ചുപോയിരുന്നു.

വീട് വൃത്തിയാക്കുക എന്ന ശ്രമകരമായ ദൗ്ത്യമാണ് ഇനിയുള്ളത്. എല്ലാവരും വീട് വൃത്തിയാക്കുമ്പോള്‍ ശ്രദ്ധയോടെ കൈകാര്യം ചെയ്യണം. വീട് കഴുകുമ്പോള്‍ നല്ല ഗ്ലൗസ്  ഉപയോഗിക്കണം. ഗ്ലൗസിന്റെ അടിയില്‍ ഒരു സര്‍ജിക്കല്‍ ഗ്ലൗസ് ഉപയോഗിക്കുന്നത് നന്നാകും. മാസ്‌ക് സ്ഥിരമായി ഉപയോഗിക്കുന്ന തരത്തിലുള്ളതാകും നന്നാകുക. ഇഴജന്തുക്കള്‍ വീട്ടിനകത്തും പുറത്തും ഉണ്ടാകാന്‍ ഇടയുള്ളതിനാല്‍ അതിനാവശ്യമായ സ്‌പ്രേകള്‍ കൂടി കരുതണം. എന്നാല്‍ അവ ഇഴജന്തുക്കളെ ഇല്ലാതാക്കുന്ന രീതിയില്‍ ഉപയോഗിക്കരുതെന്നും സിതാര പറയുന്നു. 

വീട്ടിലെത്തുമ്പോള്‍ ആദ്യം ചെയ്യേണ്ടത് മെയിന്‍സ്വിച്ച് ഓഫ് ചെയ്യുക എന്നതാണ്. ഇലക്ട്രോണിക്‌സ് ഉപകരണങ്ങള്‍ നല്ല ഡ്രൈ ആയതിന് ശേഷം മാത്രമെ ഓണ്‍ ചെയ്യാകും. മണ്ണ് ഉണങ്ങുന്നതിന് മുന്‍പായി നീ്ക്കം ചെയ്യുന്നതാവും ഗുണകരം. കിണര്‍ വെള്ളം മാസത്തോളം ക്ലോറിനേറ്റ് ചെയ്യണം. വീട്ടിലെ ഫര്‍ണീച്ചറുകള്‍ പൂര്‍ണമായും നശിച്ചു. സേവ് ചെയ്യാന്‍ പറ്റുന്നവ മാത്രം സംരക്ഷിക്കുക. വീടുകളില്‍ സൂക്ഷിച്ച പാക്കറ്റ് ഭക്ഷണം ഉണ്ടെങ്കില്‍ ഉപയോഗിക്കാതിരിക്കുകയെന്നും സിതാര വീഡിയോയില്‍ പറയുന്നു.സിതാരയും സുഹൃത്തുക്കളുമാണ് ക്ലീന്‍ ചെയ്യാന്‍ വീ്ട്ടിലെത്തിയത്