ഇടുക്കി; ഇടുക്കി ശാന്തന്‍പാറയില്‍ റിസോര്‍ട്ട് ഉടമയേയും ജീവനക്കാരനെയും മരിച്ച നിലയില്‍ കണ്ടെത്തി. റിസോര്‍ട്ട് ഉടമ കോട്ടയം സ്വദേശി രാജേഷ്, ജീവനക്കാരന്‍ മുത്തയ്യ എന്നിവരരെയാണ് മരിച്ച നിലയില്‍ കണ്ടെത്തിയത്.

ദേവികുളം ഗ്യാപ്പ് റോഡരികില്‍ മൃതദേഹങ്ങള്‍ കണ്ട നാട്ടുകാര്‍ പൊലീസിനെ വിവരം അറിയിക്കുകയായിരുന്നു. മൃതദേഹങ്ങള്‍ക്ക് രണ്ട് ദിവസത്തെ പഴക്കമുണ്ട്. കൊലപാതകമാണെന്നാണ് പ്രാഥമിക നിഗമനം. സംഭവത്തില്‍ പൊലീസ് അന്വേഷണം ആരംഭിച്ചു.