പത്തനംതിട്ട: ഭാഗ്യദേവതയുടെ കടാക്ഷം വീണ്ടും പത്തനംതിട്ട സ്വദേശിക്ക്. ചന്ദനക്കുന്ന് കോളനിയെ മുരളിയെ തേടിയാണ് ഭാഗ്യം എത്തിയത്.
കേരള ഭാഗ്യക്കുറി സ്ത്രീശക്തിയിലെ ഒന്നാം സമ്മാനമായ 60 ലക്ഷം രൂപയാണ് ലഭിച്ചത്. സമ്മാനര്‍ഹമായ ടിക്കറ്റ് ഇന്നലെ ജില്ലാ സഹകരണ ബാങ്കിന്റെ ശാഖയില്‍ ഏല്‍പിച്ചു. 

തടി കച്ചവടത്തിന്റെ ഇടനിലക്കാരനായ മുരളി തനിക്ക് ഇഷ്ടപ്പെടുന്ന ലോട്ടറി കച്ചവടക്കാരെ കണ്ടാല്‍ ഒരു ബുക്ക് ഉള്‍പ്പെടെ ഒട്ടേറെ ടിക്കറ്റുകള്‍ എടുക്കും. കഴിഞ്ഞ 13ന് ഉച്ചയോടെ തമിഴ്‌നാട് സ്വദേശിയായ വില്‍പനക്കാരനില്‍ നിന്ന് അയാളുടെ കൈവശം ഉണ്ടായിരുന്ന ടിക്കറ്റ് മുഴുവനായി വാങ്ങുകയായിരുന്നു. അതില്‍ നിന്നുള്ള ടിക്കറ്റിനാണ് സമ്മാനം ലഭിച്ചത്.