തിരുവനന്തപുരം: ജേക്കബ് വടക്കഞ്ചേരിയെ അമേരിക്കന് മരുന്നു കുത്തകകള് കേരളത്തിലെ ജയിലിലിട്ട് വധിക്കാതിരിക്കാന് ജാഗ്രത പുലര്ത്തണമെന്ന് അഡ്വ.ഫിലിപ്പ് എം. പ്രസാദ്. സെക്രട്ടറിയേറ്റ് നടയില് നടന്ന അഭിപ്രായ സ്വാതന്ത്ര്യ സംരക്ഷണ ധര്ണ്ണയില് അദ്ധ്യക്ഷപ്രസംഗം നടത്തുകയായിരുന്നു അദ്ദേഹം.
മന്ത്രിയും ഡോക്ടര്മാരും ജനങ്ങളോട് പറയാതെ ഒളിച്ചുവച്ച അലോപ്പതി ശാസ്ത്രഗ്രന്ഥങ്ങളിലെ സത്യങ്ങളും അഭിപ്രായങ്ങളും ജനങ്ങളെ അറിയിയ്ക്കുവാന് ശ്രമിച്ച ജേക്കബ് വടക്കഞ്ചേരിയെ അറസ്റ്റ് ചെയ്തത് ഭരണകൂട ഫാസിസമാണെന്ന് ധര്ണ ഉദ്ഘാടനം ചെയ്തു കൊണ്ട് നാഷണല് ഫിഷ് വര്ക്കേഴ്സ് ഫോറംജനറല് സെക്രട്ടറി ടി.പീറ്റര് പറഞ്ഞു.
പ്രകൃതിദുരന്തത്തില്പെട്ടവരുടെയിടയില് ഡോക്സി സൈക്ലിന് പോലുള്ള അലോപ്പതി പ്രതിരോധ മരുന്ന് കഴിക്കാതെ ദുരിതാശ്വാസ പ്രവര്ത്തനങ്ങളില് ഏര്പ്പെട്ടവര്ക്ക് യാതൊരു പ്രശ്നവും ഉണ്ടായിട്ടില്ലെന്നായിരുന്നു ചെങ്ങന്നൂരിലെ സാമൂഹിക പ്രവര്ത്തകനായ പി.എസ്. എബ്രഹാമിന്റെ വിശദീകരണം.
ജേക്കബ് വടക്കഞ്ചേരിയെ മോചിപ്പിക്കുക എന്ന ആവശ്യം ഉന്നയിച്ച് നാളെ മുതല് എറണാകുളം കച്ചേരിപ്പടിയിലെ ഗാന്ധിഭവന് മുന്നില് അനിശ്ചിതകാല സത്യഗ്രഹം നടക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates