തിരുവനന്തപുരം: മുഖ്യമന്ത്രിയുടെ കടക്ക് പുറത്ത് എന്ന വിവാദപരാമര്‍ശത്തില്‍ മുഖ്യമന്ത്രിയുടെ ഓഫീസ് വിശദീകരണം തേടി. മസ്‌കറ്റ് ഹോട്ടലിലെ ജീവനക്കാരോടാണ് വിശദീകരണം തേടിയത്. ജീവനക്കാര്‍ വാക്കാലാണ് വിശദീകരണം നല്‍കിയത്. അതേസമയം ജീവനക്കാരുടെ വിശദീകരണത്തില്‍ മുഖ്യമന്ത്രിയുടെ ഓഫീസ് തൃപ്തികമല്ലെന്ന മറുപടിയാണ് നല്‍കിയത്.

മസ്‌കറ്റ് ഹോട്ടലിലെ ഹാളിലേക്ക് മാധ്യമപ്രവര്‍ത്തകര്‍ എങ്ങനെ കയറിയെന്നും ആരുടെ അനുവാദത്തോടെയാണ് ഇവര്‍ ഹാളിനകത്ത് കയറിയതെന്നുമാണ് ജീവനക്കാരോട് ചോദിച്ചത്. എന്നാല്‍ ഇത്തരം യോഗങ്ങള്‍ക്ക് എത്തുമ്പോള്‍ മാധ്യമപ്രവര്‍ത്തകരെ തടയാറില്ലെന്നായിരുന്നു ജീവനക്കാരുടെ വിശദീകരണം. മാനേജര്‍ ഉള്‍പ്പടെയുള്ള ജീവനക്കാരോടാണ് വിശദീകരകണം തേടയിത്.