നിലമ്പൂര്‍: കനത്തമഴയില്‍ മലപ്പുറത്ത് മൂന്നുമരണം. നിലമ്പൂരിന് സമീപം പുളക്കപ്പാറ ആദിവാസി കോളനിയിലാണ് അപകടം. കനത്ത മഴയെത്തുടര്‍ന്ന് മരം കടപുഴകി വീണാണ് അപകടം സംഭവിച്ചത്. ഏഴുപേര്‍ക്ക് പരിക്കേറ്റു. 

നെല്ലിക്കുത്ത് ആദിവാസി ഉത്സവത്തിനിടെയാണ് മരം കടപുഴകി വീണത്. പുളകപ്പാറ കോളനിയിലെ വെള്ളകന്‍, പാട്ടക്കരിമ്പ് കോളനിയിലെ ചാത്തി,ശങ്കരന്‍ എന്നിവരാണ് മരിച്ചത്. പരിക്കേറ്റവരെ താലൂക്ക് ആശുപത്രിയില്‍ പ്രവേശിപ്പിച്ചു.