ആലുവ: നടിയെ ആക്രമിച്ച കേസില്‍ റിമാന്‍ഡില്‍ കഴിയുന്ന ദിലീപിനെ കാണാന്‍ നടന്‍ കലാഭവന്‍ ഷാജോണ്‍ ആലുവ സബ് ജയിലിലെത്തി. ഇരുവരും പത്ത് മിനിറ്റോളം സംസാരിച്ചു. കഴിഞ്ഞദിവസം ദിലീപിന്റെ ഭാര്യ കാവ്യയും മകള്‍ മീനാക്ഷിയും ജയിലിലെത്തി കൂടിക്കാഴ്ച്ച നടത്തിയിരുന്നു. 

അതേസമയം ജാമ്യം അനുവദിക്കണമെന്നാവശ്യപ്പെട്ട് ദിലീപ് വീണ്ടും ഹൈക്കോടതിയെ സമീപിക്കാനൊരുങ്ങുകയാണ്. അച്ഛന്റെ ശ്രാദ്ധ ചടങ്ങില്‍ പങ്കെടുക്കാന്‍ ദിലീപിന് അങ്കമാലി മജിസ്‌ട്രേറ്റ് കോടതി അനുമതി നല്‍കിയതിന് തൊട്ടുപിന്നാലെയാണ് ജാമ്യ ഹര്‍ജിയുമായി ദിലീപ് മൂന്നാം തവണയും കോടതിയെ സമീപിക്കുന്നത്. നേരത്തെ രണ്ട് തവണ ജാമ്യാപേക്ഷ നല്‍കിയിരുന്നെങ്കിലും കോടതി തള്ളുകയായിരുന്നു.