കാലടി: ഒമ്പതുവയസ്സുള്ള ആൺകുട്ടിയെ ലൈംഗികമായി പീഡിപ്പിച്ച കേസിൽ മലയാറ്റൂർ സ്വദേശിനിയായ 25കാരി അറസ്​റ്റിൽ. കാടപ്പാറ കോഴിക്കാടൻ വീട്ടിൽ രാജിയാണ് പിടിയിലായത്​. കുട്ടിയുടെ മാതാവ് നൽകിയ പരാതിയെത്തുടർന്ന അന്വേഷണത്തിലാണ് യുവതി പിടിയിലായത്. 

കുട്ടിക്ക് ശാരീരികാസ്വസ്ഥകൾ വന്നപ്പോൾ ഡോക്ടറെ കാണുകയും കൗൺസലിങ്​ നടത്തുകയും ചെയ്തപ്പോഴാണ് സംഭവമറിഞ്ഞത്. കുട്ടിയുടെ രഹസ്യമൊഴി രേഖപ്പെടുത്തിയശേഷമാണ് ഞായറാഴ്ച അറസ്​റ്റ്​ ചെയ്തത്. 

കോടതി പ്രതിയെ കാക്കനാട് വനിത ജയിലിൽ വിട്ടു. എന്നാൽ, പീഡനക്കേസ്​ കെട്ടിച്ചമച്ചതാണെന്നും കുട്ടിയുടെ മാതാവുമായുള്ള സാമ്പത്തികപ്രശ്നങ്ങളാണ് കേസിന് പിന്നിലെന്നും രാജിയുടെ ഭർത്താവ് റോയ് പറഞ്ഞു.