കാസര്കോട് : സംസ്ഥാനത്ത് ഒരു കോവിഡ് ബാധിതന് കൂടി മരിച്ചു. കാസര്കോട് ഉപ്പള സ്വദേശി വിനോദ് കുമാര് ആണ് മരിച്ചത്. പരിയാരം മെഡിക്കല് കോളജില് വെച്ചായിരുന്നു അന്ത്യം.
വൃക്ക സംബന്ധമായ അസുഖത്തെ തുടര്ന്ന് ഇയാള് ഒരു വര്ഷമായി ചികില്സയിലായിരുന്നു. കാസര്കോട് ജനറല് ആശുപത്രിയില് ചികില്സയിലിരിക്കെ, അസുഖം മൂര്ച്ഛിച്ചതിനെ തുടര്ന്ന് പരിയാരം മെഡിക്കല് കോളജിലേക്ക് മാറ്റുകയായിരുന്നു.
ഇതിനിടെ അദ്ദേഹം കോവിഡ് ബാധിതനുമാണെന്ന് കണ്ടെത്തി. പരിയാരത്ത് ചികില്സയിലിരിക്കെ ഇന്നു രാവിലെയാണ് വിനോദ് മരിച്ചത്. ഇതോടെ കാസര്കോട് കോവിഡ് മരണം 11 ആയി ഉയര്ന്നു.
കോവിഡ് ബാധിച്ച് ഇന്നുമരിക്കുന്ന രണ്ടാമത്തെ ആളാണ് വിനോദ് കുമാര്. കോഴിക്കോട് മെഡിക്കല് കോളജില് വെച്ച് കോഴിക്കോട് കക്കട്ടില് സ്വദേശി മരക്കാര് കുട്ടി ഇന്നുപുലര്ച്ചെ മരിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates