Kerala

കിണറുള്ളവരുടെ ശ്രദ്ധയ്ക്ക്‌; കക്കഞ്ചേരിയില്‍ കിണര്‍ വെള്ളം മോഷ്ടിച്ചു

കോഴിക്കോട് ജില്ലയിലെ നടുവണ്ണൂരിലെ കക്കഞ്ചേരിയിലാണ് വീട്ടുപറമ്പിലെ കിണറില്‍ നിന്നും മോട്ടോര്‍ വെച്ച് വെള്ളം മോഷ്ടിച്ചത്

Author : സമകാലിക മലയാളം ഡെസ്ക്

നടുവണ്ണൂര്‍: പച്ചക്കറി നനയ്ക്കുന്നതിനായി മോട്ടര്‍ ഓണ്‍ ചെയ്തതായിരുന്നു കക്കഞ്ചേരി ബാപ്പറ്റ ഇല്ലത്ത് പറമ്പിലെ ചായടം ഗോവിന്ദന്‍ നമ്പൂതിരി. പക്ഷെ വെള്ളം വരാതായതോടെ കിണറ്റില്‍ നോക്കിയ ഗോവിന്ദന്‍ നമ്പൂതിരി ഒന്ന് ഞെട്ടി. കിണറ്റില്‍ വെള്ളമില്ല. 

വേനലിന്റെ അത്ഭുത പ്രതിഭാസമായിരിക്കാം എന്നാണ് ഗോവിന്ദന്‍ നമ്പൂതിരിയും കുടുംബവും ആദ്യം ചിന്തിച്ചത്. എന്നാല്‍ കിണറിനോട് ചേര്‍ന്ന് മണ്ണില്‍ വാഹനത്തിന്റെ ടയറിന്റെ പാടുകള്‍ ശ്രദ്ധയില്‍പ്പെട്ടതോടെയാണ് വെള്ളം ആരോ മോഷ്ടിച്ചതായിരിക്കാം എന്നവര്‍ക്ക് മനസിലായത്. കിണറ്റിലെ വെള്ളം മാത്രമല്ല. പറമ്പലിലെ അഞ്ച് വാഴക്കുലകളും വെള്ളക്കള്ളന്മാര്‍ മോഷ്ടിച്ചിട്ടുണ്ട്.

കേരളം കടുത്ത വരള്‍ച്ചയിലേക്ക് നീങ്ങുന്നതിന്റെ തീവ്രത വ്യക്തമാക്കുന്നതാണ് കിണര്‍ വെള്ളം മോഷ്ടിച്ചിരിക്കുന്ന സംഭവം. കോഴിക്കോട് ജില്ലയിലെ നടുവണ്ണൂരിലെ കക്കഞ്ചേരിയിലാണ് വീട്ടുപറമ്പിലെ കിണറില്‍ നിന്നും മോട്ടോര്‍ വെച്ച് വെള്ളം മോഷ്ടിച്ചത്. ശബ്ദമില്ലാത്ത മോട്ടറായിരിക്കാം ഇതിനായി ഉപയോഗിച്ചിരിക്കുന്നത്. 

കിണറിനോട് ചേര്‍ന്നുണ്ടായിരുന്ന കല്ലുകളും മോഷണ സംഘം മറിച്ചിട്ടിട്ടുണ്ട്. രണ്ടേക്കറോളം വരുന്ന പറമ്പന്റെ അകത്തുള്ള കിണറായതിനാല്‍ വാഹനം വരുന്നതിന്റെ ശബ്ദങ്ങള്‍ ഒന്നും കേള്‍ക്കാന്‍ സാധിക്കില്ലെന്നാണ് കുടുംബം പറയുന്നത്. ടാങ്കില്‍ വെള്ളം നിറയ്ക്കുന്നതിനുള്ള പൈപ്പുകളും ഈ കിണറിനോട് ചേര്‍ന്ന് തന്നെയുണ്ട്. ഇതും വെള്ളം മോഷ്ടിക്കുന്നതിന് ഉപയോഗിച്ചിട്ടുണ്ടാകാം. 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഡ്രൈ ഡേ വ്യാവസായിക ടൂറിസത്തിന് കുരുക്കാകും'; മദ്യ നയത്തിന് മുന്നോടിയായി ആശങ്ക പങ്കിട്ട് മന്ത്രി

ജപ്തിക്കിടെ വീട്ടമ്മയുടെ ആത്മഹത്യ; പ്രതിഷേധിച്ചവര്‍ക്കെതിരെ കേസ്

മോഹൻലാലിനും ദുൽഖറിനു ശേഷം 'ഒടിയ'നായി പൃഥ്വിരാജ്, ഒപ്പം മ‍ഞ്ജുവും; രാഹുൽ സദാശിവൻ ചിത്രം പാക്കപ്പ് ആയി

വൃശ്ചികമാസത്തിന്റെ ആത്മീയ പ്രാധാന്യമെന്ത്?, ശബരിമല വ്രതം ആചരിക്കേണ്ട രീതി എങ്ങനെ?; ഇരുമുടിക്കെട്ട് എന്തിനെ സൂചിപ്പിക്കുന്നു?

വിലാച്ചേരിയിലെ രഹസ്യകേന്ദ്രത്തിൽ ഒളിപ്പിച്ച നിലയിൽ; മധുര തനിഷ്ക് ജ്വല്ലറി കവർച്ചയിൽ 6.4 കിലോ സ്വർണം കൂടി കണ്ടെടുത്തു