കുവൈറ്റ്: വിമാനത്തിന്റെ ചക്രത്തിനടിയില്‍പ്പെട്ട് തിരുവനന്തപുരം സ്വദേശിയായ യുവാവിന് ദാരുണാന്ത്യം. ആനന്ദ് രാമചന്ദ്രൻ എന്ന യുവാവാണ് മരിച്ചത്. കുവൈറ്റ് എയര്‍വെയ്സിന്റെ സാങ്കേതിക വിഭാഗത്തിലെ ജീവനക്കാരനായിരുന്നു മരിച്ച ആനന്ദ്. 

കുവൈറ്റ് അന്താരാഷ്ട്ര വിമാനത്താവളത്തിൽ തിങ്കളാഴ്ച വൈകിട്ട് മൂന്നു മണിയോടെയാണ് സംഭവം. ടെര്‍മിനല്‍ നാലില്‍ ബോയിങ് 777-300 ഇ ആര്‍ വിമാനം പാര്‍ക്കിങ് ഏരിയയിലേക്ക് മാറ്റുന്നതിനിടെയായിരുന്നു അപകടം. 

കുടുംബ സമേതം കുവൈറ്റിൽ താമസിച്ചിരുന്ന ആനന്ദ് തിരുവനന്തപുരം കുറ്റിച്ചല്‍ പുള്ളോട്ടുകോണം സ്വദേശിയാണ്. മൃതദേഹം ഇന്ന് വൈകുന്നേരം തിരുവനന്തപുരത്ത് എത്തിക്കും.