തിരുവനന്തപുരം:  കെഎസ്ആര്‍ടിസി ബസ് വഴി കഞ്ചാവ് കടത്തിക്കൊണ്ടുവന്ന മൂന്ന് യുവാക്കളെ പൊലീസ് അറസ്റ്റ് ചെയ്തു. കാട്ടക്കട ബസ് സ്റ്റാന്‍ഡില്‍ നിന്നാണ് ഇവരെ അറസ്റ്റ് ചെയ്തത്. കോട്ടയം സ്വദേശികളായ ഗണേഷ്(20), ശ്രീരാഗ് (23), അരുണ്‍ (25) എന്നിവരാണ് പിടിയിലായത്.

 തേനിയില്‍ നിന്നും വാങ്ങിയ ഒന്നരക്കിലോ കഞ്ചാവുമായി സംഘം ബസിലാണ് യാത്ര ചെയ്തത്. സംശയം തോന്നിയതിനെ തുടര്‍ന്ന് നടത്തിയ ചോദ്യം ചെയ്യലിലാണ് യുവാക്കള്‍ പിടിയിലായതെന്ന് എക്‌സൈസ് സംഘം പറഞ്ഞു. മുന്‍പും ഇവര്‍ കഞ്ചാവ് കടത്തിയിട്ടുണ്ട്.  സ്‌കൂള്‍- കോളെജ്  വിദ്യാര്‍ത്ഥികളെ ലക്ഷ്യമിട്ടാണ് ഇവര്‍ കഞ്ചാവെത്തിച്ചതെന്നാണ് സംശയിക്കുന്നത്.