കോ​ട്ട​യം: കെവിൻ വധക്കേസിൽ പുതിയ വെളിപ്പെടുത്തൽ. കെവിന്റെ ബന്ധു ‌അ​നീ​ഷി​നെ​യും കൊ​ല​പ്പെ​ടു​ത്താ​ൻ പ്ര​തി​ക​ൾ പ​ദ്ധ​തി​യി​ട്ടി​രു​ന്ന​താ​യാണ് വെളിപ്പെടുത്തൽ. കേസിൽ ​ഗുരുത കൃത്യവിലോപം കാട്ടിയെന്ന് ആരോപിച്ച് പിരിച്ചുവിട്ട ഗാ​ന്ധി​ന​ഗ​ർ സ്​​റ്റേ​ഷ​നി​ലെ എ ​എ​സ് ​ഐ ടി ​എം ബി​ജുവാണ് ഇക്കാര്യം കോടതിയിൽ അറിയിച്ചത്. പൊ​ലീ​സ‌് യ​ഥാ​സ​മ​യം ഇ​ട​പെ​ട്ട​തി​നാ​ലാ​ണ്​ അ​നീ​ഷി​നെ വി​ട്ട​യ​ച്ച​തെന്നും ബിജു പറഞ്ഞു. വി​ചാ​ര​ണ​യി​ൽ പ്രോ​സി​ക്യൂ​ഷ​ൻ വാ​ദ​ങ്ങ​ളെ സാ​ധൂ​ക​രി​ക്കു​ന്ന വി​വ​ര​ങ്ങ​ളാ​ണ‌് ബി​ജു കോ​ട്ട​യം പ്രി​ൻ​സി​പ്പ​ൽ സെ​ഷ​ൻ​സ‌് കോ​ട​തി​യി​ൽ ന​ൽ​കി​യ​ത‌്.

കോ​ട്ട​യം ന​ട്ടാ​ശേ​രി സ്വ​ദേ​ശി കെ​വി​ൻ പി ​ജോ​സ​ഫി​നെ മു​ഖ്യ​പ്ര​തി ഷാ​നു ചാ​ക്കോ​യും സം​ഘ​വും ത​ട്ടി​ക്കൊ​ണ്ടു​പോ​യ വി​വ​രം അ​റി​ഞ്ഞ‌് പു​ല​ർ​ച്ചെ മൂ​ന്നു​ത​വ​ണ പ്ര​തി​ക​ളു​ടെ മൊ​ബൈ​ലി​ക്ക‌് വി​ളി​ച്ചു. 2018 മേ​യ്​ 26ന്​ ​മാ​ന്നാ​ന​ത്ത്​ വീ​ടാ​​ക്ര​മി​ച്ച​ശേ​ഷം കെ​വിനെയും ബ​ന്ധു അ​നീ​ഷി​നെ​യും ത​ട്ടി​​ക്കൊ​ണ്ടുപോ​യെ​ന്ന പ​രാ​തി​യു​മാ​യി ബ​ന്ധു​ക്ക​ൾ എ​ത്തി​യ​പ്പോ​ഴാ​ണ്​ ത​ലേ​ദി​വ​സം രാ​ത്രി വാ​ഹ​ന പ​രി​ശോ​ധ​ന​യി​ൽ ക​ണ്ട​വ​രു​മാ​യി ബ​ന്ധ​മു​ണ്ടെ​ന്ന്​ തി​രി​ച്ച​റി​ഞ്ഞ​ത്. മാ​ന്നാ​ന​ത്തെ പ​രി​ശോ​ധ​ന​ക്കി​ടെ​യാ​ണ്​ ഒ​ന്നാം പ്ര​തി ഷാ​നു ചാ​ക്കോ​യും ഇ​ഷാ​നും സ​ഞ്ച​രി​ച്ച വാ​ഹ​നം ക​ണ്ട​ത്.  

ചോ​ദി​ച്ച​പ്പോ​ൾ അ​മ​ല​ഗി​രി​യി​ൽ ക​ല്യാ​ണ​ത്തി​ന്​ പോ​വു​ക​യാ​ണെ​ന്ന മ​റു​പ​ടി​യാ​ണ്​ ല​ഭി​ച്ച​ത്. മ​റ്റു സം​ശ​യം തോ​ന്നാ​തി​രു​ന്ന​തി​നാ​ൽ വി​ലാ​സ​വും ഫോ​ൺ ന​മ്പ​റും വാ​ങ്ങി വി​ട്ട​യ​ച്ചു. പി​ന്നീ​ടാ​ണ്​ മാ​ന്നാ​ന​ത്ത്​ വീ​ട്​ ആ​ക്ര​മി​ച്ച്​ കെ​വി​​നെ​യും അ​നീ​ഷിനെയും വാ​ഹ​ന​ത്തി​ലെ​ത്തി​യ പ്രതികൾ ത​ട്ടി​ക്കൊ​ണ്ടു​പോ​യ വി​വ​രം ബ​ന്ധു​ക്ക​ൾ മു​ഖേ​ന അ​റി​ഞ്ഞ​തെന്നും ബിജു മൊഴി നൽകി. പ്ര​തി​ക​ളുടെ കാ​ർ പി​ടി​ച്ചെ​ടു​ത്ത തെ​ന്മ​ല എ​സ‌്.​ഐ പ്ര​വീ​ണി​നെ​യും വി​സ‌്ത​രി​ച്ചു.