ആലപ്പുഴ: കൊറോണ വൈറസ് ബാധ സംശയിക്കുന്നയാളെ ആലപ്പുഴ മെഡിക്കല്‍ കോളജ് ഐസലേഷന്‍ വാര്‍ഡില്‍ പ്രവേശിപ്പിച്ചു. ഇദ്ദേഹത്തിന്റെ സാംപിളുകള്‍ ശേഖരിച്ച് ദേശീയ വൈറോളജി ഇന്‍സ്റ്റിറ്റിയൂട്ടില്‍ പരിശോധനയ്ക്ക് അയച്ചു. ഫലം ഇന്നു ലഭിച്ചേക്കും. 

ഗള്‍ഫില്‍ നിന്നു കഴിഞ്ഞ ദിവസം നാട്ടിലെത്തിയ രോഗിക്ക് ചുമ, പനി, ശ്വാസംമുട്ട്, മൂക്കൊലിപ്പ് ലക്ഷണങ്ങള്‍ കണ്ട സാഹചര്യത്തിലാണ് ആശുപത്രിയിലെത്തിച്ചത്.

അതേസമയം, ഇറ്റലിയില്‍ നിന്നെത്തി പത്തനംതിട്ട ജനറല്‍ ആശുപത്രിയില്‍ നിരീക്ഷണത്തിലുണ്ടായിരുന്ന ഒരാളുടെ പരിശോധനാ ഫലം നെഗറ്റീവാണ്. ഇന്ന് വീണ്ടും ഒരാളെ നിരീക്ഷണത്തിനായി ആശുപത്രിയില്‍ പ്രവേശിപ്പിച്ചു. ഇറ്റലിയില്‍ നിന്നെത്തിയതാണ് ഇദ്ദേഹവും.