തിരുവനന്തപുരം: ദുബായില് 13 കോടി രൂപ മകന് തട്ടിയെടുത്ത കേസില് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പ്രതികരിക്കാന് തയ്യാറാകണമെന്ന് ബിജെപി സംസ്ഥാന പ്രസിഡന്റ് കുമ്മനം രാജശേഖരന്. ഇന്റര്പോള് അന്വേഷിക്കുന്ന വിഷയത്തില് എന്ഫോഴ്സ് മെന്റ് അന്വേഷണം ബിജെപി ആവശ്യപ്പെടും. കോടിയേരിയുടെയും ബന്ധുക്കളുടെയും ബിനാമി സ്വത്തുക്കളെകുറിച്ച് അന്വേഷിക്കണമെന്നും കുമ്മനം രാജശേഖരന് ആവശ്യപ്പെട്ടു.
നേരത്തെ ഇക്കാര്യം പാര്ട്ടി ജനറല് സെക്രട്ടറി അടക്കം എല്ലാവര്ക്കും അറിയാവുന്നതാണെന്ന് സുരേന്ദ്രന് ആരോപിച്ചിരുന്നു. ഈ തട്ടിപ്പുകേസ്സ് സംബന്ധിച്ച വിവരങ്ങള് പാര്ട്ടി അഖിലേന്ത്യാ ജനറല് സെക്രട്ടറിയടക്കം എല്ലാവര്ക്കും ബോധ്യമുള്ളതാണ്.അടിയന്തിര നടപടി ഇക്കാര്യത്തില് ആവശ്യമുണ്ടെന്ന് സുരേന്ദ്രന് ഫെയ്സ്ബുക്ക് പോസ്റ്റില് പറഞ്ഞു.
കോടിയേരി ബാലകൃഷ്ണനും പിണറായി വിജയനും മൗനം വെടിയണം. സി. പി. എം എത്തി നില്ക്കുന്ന അപചയത്തിന്റെ ഒടുവിലത്തെ ഉദാഹരണമാണിത്. പാര്ട്ടി പഌനം അംഗീകരിച്ച നയരേഖ സംസ്ഥാനസെക്രട്ടറിക്കു മാത്രം ബാധകമല്ലാതാവുന്നതെന്തുകൊണ്ട്? സീതാറാം യെച്ചൂരി ഇക്കാര്യത്തില് ലഭിച്ച പരാതിയെ സംബന്ധിച്ച് ജനങ്ങളോട് തുറന്നു പറയാന് തയ്യാറാവണം.കോടിയേരിയുടെ വിദേശയാത്രകള് അന്വേഷണപരിധിയില് കൊണ്ടുവരണമെന്നും സുരേന്ദ്രന് ആവശ്യപ്പെട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates