കോഴിക്കോട്: സിപിഎം ജില്ലാ കമ്മറ്റി അംഗത്തിനെതിരെ പാര്‍ട്ടി അച്ചടക്ക നടപടിക്ക് ശുപാര്‍ശ. കുന്ദമംഗലം മുന്‍ ഏരിയാ സെക്രട്ടറിയും ജില്ലാ കമ്മറ്റി അംഗവുമായ ടി വേലായുധനെതിരെ നടപടിയെടുക്കാനാണ് ജില്ലാ കമ്മറ്റിയുടെ ശുപാര്‍ശ. പാര്‍ട്ടിയുടെ സല്‍പേരിന് കളങ്കം ചാര്‍ത്തിയെന്നതാണ് കാരണം. 

സംസ്ഥാന കമ്മറ്റിയുടെ അനുമതിക്ക് ശേഷം അച്ചടക്ക നടപടി കീഴ്കമ്മറ്റികള്‍ക്ക് റിപ്പോര്‍ട്ട് ചെയ്യും. തെരഞ്ഞടുക്കപ്പെട്ട കമ്മറ്റികളില്‍ നിന്ന് ഇദ്ദേഹത്തെ മാറ്റി നിര്‍ത്താനാണ് കഴിഞ്ഞ ദിവസം ചേര്‍ന്ന ജില്ലാ കമ്മറ്റിയുടെ തീരുമാനം. 

കടാമ്പുഴ ക്ഷേത്ര നഗരിയില്‍ വെച്ച് വനിതാ പ്രതിനിധിക്കൊപ്പം കണ്ടുവെന്നാരോപിച്ച് ഡിവൈഎഫ്‌ഐ നേതാവ് പരാതിയുമായി പാര്‍ട്ടി ജില്ലാ നേതൃത്വത്തെ സമീപിച്ചിരുന്നു. ഇതിന്റെ തുടര്‍ച്ചയായാണ് നടപടി.