കോഴിക്കോട്: ഗെയില്‍ ഇരകളുടെ ആശങ്ക പരിഹരിക്കുന്നതിന് വ്യവസായമന്ത്രിയുടെ അധ്യക്ഷതയില്‍ ചേര്‍ന്ന യോഗത്തില്‍ പ്രധാന ആവശ്യങ്ങള്‍ അംഗീകരിക്കപ്പെട്ടില്ലെന്നും സമരം തുടരുന്നത് ഉള്‍പ്പടെ ഭാവി പരിപാടികള്‍ ഇന്ന് തീരുമാനിക്കുമെന്നും സമരസമിതി പ്രവര്‍ത്തകര്‍ പറഞ്ഞു. 

ജനവാസമേഖലയില്‍ നിന്നും അലൈന്‍മെന്റ് മാററാതെ സമരം അവസാനിപ്പിക്കില്ലെന്ന നിലപാടിലാണ് സമരസമിതി. നഷ്ടപരിഹാരം ഭൂമി വിലയുടെ നാലിരിട്ടി നല്‍കണമെന്നും സമരസമിതി പറയുന്നു. സമരം തുടരണമോ എന്ന കാര്യത്തില്‍ തീരുമാനമെടുക്കേണ്ടത് സമരസമിതി തന്നെയാണെന്നായിരുന്നു യുഡിഎഫ് എംപിമാര്‍ ഇന്നലെ യോഗ ശേഷം പറഞ്ഞത്. അതേസമയം അലൈന്‍മെന്റില്‍ മാറ്റമില്ലെന്നും സമരത്തെ കുറിച്ച്  ജനസംഘടനകള്‍ ഭീതി പരത്തുകയാണെന്നുമായിരുന്നു മന്ത്രി എസി മൊയ്തീന്റെ പ്രതികരണx