കൊച്ചി: ചാര്‍ജ് വര്‍ധന ഉള്‍പ്പെടെയുള്ള ആവശ്യങ്ങള്‍ ഉന്നയിച്ച് വെള്ളിയാഴ്ച സംസ്ഥാനത്തെ സ്വകാര്യ ബസുകള്‍ പണിമുടക്കും. ചാര്‍ജ് വര്‍ധന ഉള്‍പ്പെടെ വിവിധ ആവശ്യങ്ങള്‍ ഉന്നയിച്ചുള്ള സൂചനാ പണിമുടക്കാണ് വെളളിയാഴ്ച നടക്കുകയെന്ന് ബസ് ഓപ്പറേറ്റേഴ്‌സ് അസോസിയേഷന്‍ അറിയിച്ചു. അനുകൂല തീരുമാനം ഉണ്ടായില്ലെങ്കില്‍ അനിശ്ചിത കാല സമരവുമായി മുന്നോട്ടുപോവുമെന്ന് നേതാക്കള്‍ പറഞ്ഞു.

എന്നാല്‍ വെള്ളിയാഴ്ചത്തെ സമരത്തില്‍ പങ്കെടുക്കില്ലെന്ന് ഒരു വിഭാഗം ബസ് ഉടമകള്‍ അറിയിച്ചു. ബസ് ഓപ്പറേറ്റേഴ്‌സ് ഓര്‍ഗനൈസേഷനാണ് സമരത്തില്‍നിന്നു വിട്ടുനില്‍ക്കുമെന്ന് അറിയിച്ചത്.