തിരുവനന്തപുരം : ചെങ്ങന്നൂര്‍ ഉപതെരഞ്ഞെടുപ്പ് സംസ്ഥാന ഭരണത്തിന്റെ വിലയിരുത്തലാകില്ലെന്ന് ബിജെപി നേതാവും കേന്ദ്രമന്ത്രിയുമായ അല്‍ഫോണ്‍സ് കണ്ണന്താനം. പ്രാദേശിക വിഷയങ്ങളാകും ചെങ്ങന്നൂര്‍ ഉപതെരഞ്ഞെടുപ്പില്‍ പ്രതിഫലിക്കുകയെന്നും കേന്ദ്രമന്ത്രി പറഞ്ഞു. 

ഉപതെരഞ്ഞെടുപ്പുകളില്‍ പൊതുവെ പ്രാദേശിക വിഷയങ്ങളാണ് പ്രധാനമായും ചര്‍ച്ച ചെയ്യപ്പെടുക. അതാണ് തെരഞ്ഞെടുപ്പു ഫലത്തില്‍ പ്രതിഫലിക്കുക. നരേന്ദ്രമോദിയുടെ നേതൃത്വത്തിലുള്ള കേന്ദ്രസര്‍ക്കാരിന്റെ മികച്ച ഭരണവും ചെങ്ങന്നൂരില്‍ പ്രതിഫലിക്കുമെന്ന് കേന്ദ്രമന്ത്രി അഭിപ്രായപ്പെട്ടു. 

ചെങ്ങന്നൂര്‍ ഉപതെരഞ്ഞെടുപ്പ് സംസ്ഥാന ഭരണത്തിന്റെ വിലയിരുത്തലാകുമെന്ന ബിജെപിയുടെയും കോണ്‍ഗ്രസിന്റെയും നിലപാടിന് വിരുദ്ധമാണ് അല്‍ഫോണ്‍സ് കണ്ണന്താനത്തിന്റെ അഭിപ്രായപ്രകടനം.