തി​രു​വ​ന​ന്ത​പു​രം: ജൂ​ലൈ 27ന് ​പ്ര​ത്യേ​ക നി​യ​മ​സ​ഭാ സ​മ്മേ​ള​നം  വിളിച്ചുചേർക്കാൻ ​ഗവർണറോട് ശുപാർശ ചെയ്യാൻ തീരുമാനിച്ചു. ഇ​ന്ന് ചേ​ർ​ന്ന മ​ന്ത്രി​സ​ഭാ യോ​ഗ​ത്തി​ന്‍റേ​താ​ണ് തീ​രു​മാ​നം. ധ​ന​ബി​ൽ പാ​സാ​ക്കാ​നാ​യി ഒ​രു​ദി​വ​സ​ത്തേ​ക്കാ​ണ് സ​മ്മേ​ള​നം ചേരുക.

ന​ട​പ​ടി​ക്ര​മ​ങ്ങ​ളി​ൽ ഭേ​ദ​ഗ​തി വ​രു​ത്തി സ​ബ്ജ​ക്ട് ക​മ്മി​റ്റി​ക്ക് വി​ടാ​തെ ഒ​റ്റ ദി​വ​സം​കൊ​ണ്ട് ധ​ന​ബി​ൽ ച​ർ​ച്ച​ചെ​യ്ത് പാ​സാ​ക്കാ​നാ​ണ് ധാ​ര​ണ. ശിവശങ്കറുമായി ബന്ധപ്പെട്ട വിഷയം മന്ത്രിസഭ ചർച്ച ചെയ്തില്ല. ആരോപണങ്ങളിന്മേൽ അന്വേഷണം നടത്തുന്ന ചീഫ് സെക്രട്ടറിയുടെ നേതൃത്വത്തിലുള്ള സമിതിയുടെ റിപ്പോർട്ട് ലഭിച്ചശേഷം ഇക്കാര്യം ചർച്ച ചെയ്യാമെന്നാണ് ധാരണ.

സ്വ​ർ​ണ​ക്ക​ട​ത്തു​മാ​യി ബ​ന്ധ​പ്പെ​ട്ട്  നിയമസഭാ സമ്മേളനത്തിൽ സർക്കാരിനെതിരെ അവിശ്വാസപ്രമേയം കൊണ്ടുവരുമെന്ന് പ്രതിപക്ഷമായ യുഡിഎഫ് പ്രഖ്യാപിച്ചിട്ടുണ്ട്. സ്പീക്കർ ശ്രീരാമകൃഷ്ണനെതിരെ അവിശ്വാസം അവതരിപ്പിക്കുമെന്നും യുഡിഎഫ് അറിയിച്ചിട്ടുണ്ട്.